Ahmed Aktaş
Di dîroka gelê Kurdistanê de Newroz ê, li dijî zaliman mohra xwe li ruhê serîhildanê û serkeftinê xistiye. Ev ruhê serîhildanê û berxwedanê, ji hezar salan heta roja îro hatiye, lê ji bo tefandina rohniya agirê vê destana hêja ya dîrokî êrîşên qirker ên desthilat û talankeran bê navber dewam kir.
Hema mirov dikare bêje hatibû qonaxa tarîkirina vê rohnahiyê, Rêber Apo di Newroza 1973 ya de li Bendava Çubuka Enqereyê ev agirê li ber vemirandinê bû, ji nûve pêxist.
Bi çalakiya Kawayê Hemdemî Mazlum Doxan re ya li zîndana Amedê di Newroza 1982 ya de, ew agirê mîna ji xweliya xwe ve hatibû afirandin derbasî qonaxa duduyan bû.
Bi pêşengiya Mahsum Korkmaz a pêngava 15′ ê Tebaxa 1984 an de, derbasî qonaxa sisê ya bû û heta îro bi hemû lehengiya xwe dewam dike.
Bi dilgirtina Rêberê Tevgêra Azadiyê ya dibe 26 salan û bi şehadeta ewqas pêşengan, her wiha bi êrîşên her cûre çekên klasik û modern ên kîmyewî jî li gel, ev agir venemirî, “ xeyala ku xistibûn bin axa çiyayê agirî” ji nûve şitilî û qonax bi qonax pêşdiket.
Gava mirov van bûyerên 52 salan ên ji “Bendava Çubuk a Enqereyê” heta îro, hemûyan di zik hev de li ber çavan re derbas dike, êdî pêşîgirtin li vê tevgêrê û vî gelê berxwedêr nabe, êdî ev Rêbertî, Tevgêr û gel ewqas bi hev hatine girêdan û bûne xwedî îradeyek ji pola, kes nikare wan ji hev biqetîne û vê şoreşê bide rawestandin!
Ev jî ne bes bû, di êvara Newroza îsal a 2024 an de, mizgîniya xêrê jî bi ser ve hat û Cejna îsal a NEWROZÊ pirtir xemiland û tacidar kir.
Ev mizgîniya giring û watedar, ji aliyê Fermandariya Biryargeha Navenda Parastina Gel(NPG) ve hat û dibêje; ”Gerilayên Azadiya Kurdistanê, bûne xwedî sîstema fuzeyên ku dikarin sîhayan bêbandor bikin; ji 13ê Sibata 2023an vir ve me 15 SIHA xistin xwarê…”!
Bi vê mizginiyê re, êdî şoreşa gelê Kurdistanê derbasî qonaxek nu dibe.
Hema di serî de, bandora propagandeya wê tirsa ku bi rêya van “ makîneyên mirinê” dikirin hat şikandin.
Her wiha dewleta tirk, wê bazirganiya li ser van SIHA ya dikir êdî weke berê nikare bike.
Vê mizginiyê, careke din gotinên Rêber APO piştrast kir ku “teknîka herî mezin mirovin” Bi gotinek din, heke mirov û tevgêr mejî baş bixebitînin, dikarin ji dewletan bêhtir afirandinê bikin û serkeftinan bi dest bixin!
Bêgûman ev mizgîni ji bo hemû gel û baweriyên jêrdest e, jiber ku ev dewleta faşîst, ne tenê Kurd, jibo hemû azadixwaz û demokratan xetere.
Bi vê mizgîniyê re, ew propagandayên dewleta tirk ku digotin, ”PKKê çeka datinin û hwd.” jî pûç bû.
Bi vê mizgîniyê re, gelê Kurdistanê û dostên xwe herikîn pîrozbahiyên Cejna Newrozê, bi coş û cesaret zêdetir bû.
Kurt kurmancî, encamên vê mizgîniyê, berevajî siyaset û planên dewleta faşist û hevalbendên wê, piralî û gelemperî bi coş hate pêşawazî kirin û wê baştir jî bibe.
