Zana Roj/ Şehba
Di salvegera 6 emîn ya dagirkirina Efrînê ji aliyê faşîzma Tirkyê ve bi hezaran koçberên Efrînê û gelê Şehbayê li herêma Şehbayê bi meşekî girseyî salvegera dagirkirina Efrînê şermezar kirin.
Beriya 6 salan dagirkeriya Tirkiyê û komên çete di 20’ê Çileya 2018 an de bi pilaneke navnetewî Efrîn dagirkirin. Piştî 58 rojan ji berxwedanê di 18’ê Adara 2018 an de Efrîn bi temamî hat dagirkirin û zêdetirî 300 hezar gelê Efrînê koçberî herêma Şehbayê û Bakur û Rojhilatê sûriyê bûn.
Bi durişma “Bi rihê berxwedana biratiya gelan emê dîwaran hilweşînin û Efrîn û tavahî xaka Sûriyê rizgar bikin”. Bi hezaran gelê Efrînê ji 7 salî heyanî 70 salî daketin qadan û bi meşeke girseyî salvegera dagirkirina Efrînê şermezar kirin û soza tolhildan û misogeriya rizgarkirina Efrînê nû kirin.
Meş ji çarxereya Ehdas hat dest pê kirin û heyanî parka 4’ê Nîsanê dewam kir. Piştî wê dema ku meşvan gihiştin parka 4’ê Nîsanê di destpêkê de deqeyek rêzgirtin ji bona cangoriyên azadiyê rawestiyan. Di meşê de li ser navê saziya Malbatên Şehîdan Xedîce Îbo û bi ser navê Meclîsa Kantona Efrîn û Şehbayê Fewzî Mistefa axaftin hatin kirin.
`Êrîşên li ser Efrînê êrîşên qirkirinê bûn`
Xedîçe Îbo bal kişand ser berdewamkirina siyaseta qirkirinê ya faîzma Tikriyê û wiha got: “Efrîna warê zeytûnê bi xweşikbûn û azadiya xwe bû armanca dagirkeiryê û hêzên navnetewî. Di dagirkirina Efînê de hemû hêzên serdest bi Tirkiyê re bûn yek û li hemberî dagirkeriya trik dengê xwe nekirin. Siyaseta qirkirina gelê kurd ji sed salan ve di xwîna Osmaniyan de diherike û komkûjiyên ku bi dirêjiya dîrokê li ser gelan pêkanîne şahidê vê yekê ne. Careke din faşîzma Tirkiyê rengê Kurdewariyê, aşîtiyê û demokrasiyê ya ku bi saya bedelên giran yên ciwanên Kurd û bi felsefeya Rêber APO hatibû avakirin tehmul nekir. Ji lewra di Efrînê de jî siyaseta qirkirina gelê Kurd da destpêkirin û ev yek jî heyanî niha him li Efrînê û him jî bi êrîşên xwe li ser herema Şehbayê tê meşandin”.
`Me bi sekna berxwedanê pilanên dijmin têk birin`
Her wiha Fewzî Mistefa tekez kir ku bi sekn û mayîndebûne berxwedanê ku 6 salan tê domandin wê Efrîn rizgar bibe û wiha anî ziman: “Gelê Efrînê di şerê ku hatiye meşandin de bi têkoşîna hemdemî ya ku di 58 rojan de hate meşandin, ji tavahî cîhanê re weke her car hêza îrade û têkoşîna gelê Kurd tekez kirin. Gelê ku di qonaxa yekemîn û duyemîn ji Berxwedana Serdemê, berxwedana efsanewî raber kir û ji bona rizgarkirina Efrînê heyanî îro jî di nava têkoşîn û berxwedanê de ye. Li ser wî bingehî di 6 emîn salvagera dagirkirina Efrînê de em soza rizgarkirin û vegera bi rûmet ya Efrînê nû dikin. Di asta yekemîn de dagirkiriya Tirkiyê û hêzên navnetewî bila bizanibin ev gel bi berxwedanî û sekna xwe li Şehbayê hemû pilanên dagirkeriyê têk birin”.
