Lîloz Hisên/ Qamişlo
Rêvebriya Xwesriya Demokratîk a kantona Cizîrê îro li çerxerêya Yûsiv Gulo bi riya daxuyaniyekê cihên ku Newroz lê bê pîrozkirin, aşkere kir.
Bi beşdarbûn saziyên Rêvebriya Xwser, Saziya Malbatên Şehîdan, tevger û rêxistinên jinan ji
pêkhateyên ereb, kurd û suriyan, Rêveberiya Xweseriya Demokratîk a kantona Cizîrê bi daxuyaniyekê bernameya Nerwroza 2024’an eşkere kir. Daxuyanî ji aliyê hevserokê Desteya Cîbicîkar a Rêveberiya Xweseriya Demokratîk a kantona Cizîrê Telet Yûnis û Kordînasyona Kongra Star a Herêma Bakur û Rojhilatê Sûriyê Rîhan Loqo ve hat xwendin.
Di daxuyaniyê Cejna Newrozê li tevahiya gelên herêmê hat pîrozkirin, herwiha hate diyarkirin ku pîrozbahiyên îsal wê di bin drûşmeya ‘Ji Rêber Apo re Azadî, Ji Pirsgirêka Kurd Re çareserî’’ bên lidarxistin.
Di berdewamiya daxuyaniyê da hate eşkerekirin ku wê pîrozbahiyên Neworozê li 7 navendên kantona Cizîrê bên li darxistin û ew jî wiha ne:
-Qamişlo: Qada Newrozê li Hîmo.
-Hesekê: Bendava Rojava.
-Dêrîk: Mameşûrê.
– Girkê Legê û Rimêlan:Hilêq.
– Trbespiyê: Dirêjîk.
– Amûdê: Gundê Çaxir Bazar.
– Dirbêsiyê: Gundê Çolbistan.
Herwiha di daxuyaniyê de hat ragehandin ku demên pîrozbahiyê li tevahiya qadan wê ji seat 10 sibehê ve dest pê bike û wê gelek komên hunerî û hunermend tevlî Newrozê bibin.
Di dawiya daxuyaniyê de bang li hemû gelên hermê hate kirin ku bi coş û heyecan tevlî qadên şahiya Newrozê bibin û asta berxwedan û têkoşînê bilind bikin.
Piştî daxuyanî bi dawî bû agirê Newrozê hat pêxistin û govend hate gerandin.
