Bi derbasbûna 6 salan di ser dagirkirina Herema Efrînê ji aliyê faşîzma Tirkiyê û komên çeteyan ve, Ofîsa Têkiliyan a Partiya Yekîtiya Demokratîk PYD’ê li Şehbayê panêlek li dar xist.
Zana Roj/ Şehba
Bi însiyatîfa Ofîsa Têkiliyan ya Partiya Yekîtiya Demokratîk li herema Şehbayê bi boneya Salvegera 6’emîn ya dagirkirina Efrînê ji aliyê dagirkeriya Tirk û komên çeteyan ve, komxebatek diyalogî hat li darxistin. Panêl bi beşdarbûna bi 10’an ji nûnerên partiyên siyasî, tevger û saziyên cûda li Hola kampa Serdem hat li darxistin. Di komxebatê de ji aliyê Hevserokê Partiya Yekîtiya Demokratîk ya Bakur û Rojhilatê Sûriyê Salih Muslim ve axaftina destpêkê ya komcivînê hat kirin. Her wiha mijarên komcivînê
hatin destpêkirin.
Panêl bi destgirtina 2 mijaran hat organîzekirin, mijara yekemîn (Efrîn di bin siya Rêveberiya Xweser de) ji aliyê endama ofîsa têkiliyan a PYD ê ya Helebê Ayşe Hiso, be herwiha mijara duyemîn (Efrîn di pêvajoya berxwedanê de û piştî dagirkirinê)ji aliyê Endamê Ofîsa Têkiliyan a PYD’ê ya Efrîn û Şehbayê Esed Manan ve hatin xwendin.
`Efrîn di encama pilaneke navnetewî de hat dagirkirin`
Salih Mislim anî ziman ku Efrîn bi hêzeke navnetewî hat dagirkirin û wiha got: “Efrîn di salên dirêj de bû bû cihê herî ewle û aram, her kes di nava xwe de pêşwazî kir. Em dizanin ku Efrîn her di pilanên Dagirkeriya Tirkiyê de bû. Di sala 12 an de hin gundên Efrînê armanc kirin. Divê em bizanibin di şerê li ser Efrînê de tavahî hêzên navnetewî bûn yek. Hemû çekên ku dihatin bikaranîn çekên NATO bûn, Efrîn di encama pilanên navnetewî de hat diyarkirin.”
Mislim derbarê berxwedana ku ji bo Efrînê tê meşandin wiha got: “Berdewamiya Berxwedaniya gelê Efrînê li şehbayê di hemû şert û mercên zehmet de wê bibe misogeriya vegera Efrînê.”