Hêvî Melek/Qamişlo
Yekemîn nexweşxaneya penceşêrê,Telasîmya û şewatê di 19`ê Çileya 2023`yan de li ser asta Bakur û Rojhilatê Sûryê nexweşxanek li bajarê Qamişlo ji aliyê Heyva Sor a Kurdî hat vekirin. Di nexweşxaneyê de 4 bijîşkên ku ji bo xizmeta civakê bi awayekî bê pere kar dikin.
Ji demên berê de pêdiviya civakê bi nexweşxaneyekê wisa hebû ji ber ku malbatên kesên nexweş neçar dibûn ku nexweşên xwe derbasî nexwşxaneyên Şamê yan jî Başûrê Kurdistanê bikin. Lê piştî vekirina vê nexweşxaneyê barek giran li ser milê civakê hat rakirin. Ji ber ku ev nexweşxane bi awayekî bê pere kar dike û di bin xizmeta civakê de ye.
Derbarê kar û xebatê nexweşxaneyê de rêveberiya piroseya tenduristiyê û odeya rewşên awarte ya heyva sor a Kurdî Ferhan Silêman ji rojnameya me re axifîn.
Ji sala 2022`yan de û bi alîkariya Heyv asor a kurdî me dest bi avakirina nexweşxaneyê kir. Nexweşxane di nava xwe de 3 beşan dihewîne, beşê penceşêrê, Telasîmya û beşê şewatê. piştî avakirina nexweşxaneyê di Çileya 2022`yan de beşê penceşêrê hat vekirin û anha jî em amedekariyan ji bona beşê Telasîmya dikin, ew jî ber bi dawîkirinê ve diçe. Silêman da diyarkirin ku armanc ji avakirina nexweşxaneyê, ew e ku di Bakur û Rojhilatê Suryê de nexweşxaneyeke ku van nexweşiyan derman bikin tuneye û kesên nexweş neçar dimînin ku ber bi Şam û Başûrê Kurdistanê ve herin û li wê derê werin dermankirin. Herwiha di van demên dawiyê de nexweşiya penceşêrê pir zêde bûye, ev jî dibe pirsgirêkek xeternak di nava civakê de. Weke heyva sor me xwest ku em gavekê bavêjin ku em bibin parçeyek ji çareserkirina vê pirsgirêkê. Raste ku em nikarin bi temamî nexweşan derman bikin, lê emê hinek bar ji ser nexweşan rakin, weke qurç, sîram,dermanên razanê, çavdêriya bijîşkan, analîzkirina xwînê û dermanên pêwîst ji nexweşan re. Weke yekemîn nexweşxane di bin çavdêriya 4 bijîşkên taybet de ye ku ev bijîşk jî bi awayekî xwe bexş û bê pere di nexweşxaneyê de kar dikin ji bo ku alîkariyekê bi civaka xwe re bikin.
Silêman ragihand ku hîn beşê şewatê nehatiye vekirin, lê sîstema germ û cemidî û paqijkirinê 24 demjimêran têde peyda dibe. Nexweşxaneya me gihaştiye asteke pir pêşketî ku Oksîcena navendî, stasyona ava paqij têde heye, Ji bilî wê jî di nexweşxaneyê de dermanxaneyek heye her tiştê girêdayî vê nexweşxaneyê bê pere ye û di bin xizmeta civakê de ye. Rêveberê piroseya tendrostiyê û odeya rewşên awarte ya heyva sor a Kurdî Ferhan Silêman di dawiya axaftina xwe de wiha got: Ev nexweşxane pêdiviya wê bi alîkariyê heye ku kesên welatparêz ji derve yan jî di hundir de ku bi civaka xwe re bibin alîkar û xwedî li nexweşxaneyê derkevin ku em qurç û dermanên pêwîst ji nexweşan re peyda bikin û nema hewce bike ku ji bo dermankirina xwe ber bi Şam û başûrê kurdistanê ve biçin’’
Herwiha derbarê nexweşxaneyê de yek ji Bijîşkên ku di nexweşxaneya penceşêrê de bi awayekî bexş kar dike. Emced Elî ji rojnameya me re da xwiyakirin ku beşê telasîmya wê di demeke kurt de were vekirin. Telasîmya nexweşiyeke helandî di xwînê de ye, her dem nexweş zehmetiyê ji aliyê kêmbûna xwînê dikşîne,nexweş carnan bi hewceyî piroseyê dibe bi taybet jêkirina zirav, ji ber vê yekê em bi hêvîne ku her kes alîkarî û piştgirî bide nexweşxaneyê. Ji ber ku pêwîstiya kesên nexweş bi dermanên taybet heye û buhayê van dermanan jî pir zêdeye û malbatên kesên nexweş nikarin van dermanan bi vî buhayî bikirin û peydabikin. Ji ber vê yekê banga me ji her kesî re ew e, ku piştgiriya vê pirojeyê bikin, ji bo ku em karibin van nexweşan bi hêsanî derman bikin û pêdiviyên wan bi cih bînin’’.