Lîloz Hisên/ Qamişlo
Bi boneya salvegera 35’an ya koça dawî ya hunermendê nemir Mihemed Şêxo hunermend, saziyên hunerî û rewşenbîrî, kesayetên civakî û malbata li ser gora wî ew bi bîr anîn.
Bi boneya salvegera 35’an ya koça dawî ya hunermendê nemir Mihemed Şêxo, bi dehan ji şêniyên bajarê Qamişlo di nav de hunermend, rewşenbîr û kesayetên civakî her wiha malbata Mihemed Şêxo sardana gora wî kirin.
Di bîranînê de gelek gotin hatin kirin.
Li ser navê malbata Mihemed Şêxo
birayê wî Beha Şêxo, herwiha li ser navê Yekîtiya hunermendên kantona Cizîrê Ebûd Mixso axivîn. Di axaftinan de hunermendê nemir hat bi bîranîn û li ser xebat û berxwedana wî ya mezin ya ku di xizmeta gelê xwe de bêyî tu berjewendî kiriye, nirxandin hatin kirin. Di axaftinan de hat diyarkirin ku Mihemed Şêxo êş û azarên gelê xwe anî zima ji ber vê yekê gel bi dengê wî ve girêdayî ye. Di dawiyê de hin helbest û stranên Mihemed Şêxo hatin gotin.
Di heman çarçoveyê de li navenda Mihemed Şêxo ya Çand û Huner bi hemhengiya Desteya Çandê û Tevgera Mozopotamiyayê çalakiyek hat lidarxistin.
Malbatên şehîdan, saziyên hunerî, kesayetên civakî, rewşenbîr û hunermend tevlî çalakiyê bûn.
Çalakî bi deqeyek rêzgirtin destpê kir ji bo şehîdên azadiyê, piştre bi navê navenda Mihemed Şêxo Edul Mecîd Xelo axivî û got: ”
Awaz û stranên Mihemed Şêxo her dem li ser ax, welat û jinê bû ji ber ku ew girêdayî axa welatê xwe bû. Her dem wê Mihemed Şêxo sax be di dilê me de û di dilê hemî gelê kurd. Her wiha sersaxî ji malbat û ji tevahiya gelê kurd re xwest. Bi navê Malbata Mihemed Şêxo jî Beha Şêxo axivî.
Piştre koma navenda Mihemed Şêxo, hunermend Benkîn Adem, Mustefa Omer û serbest Xelîl sitaran pêşkêş kirin.
