Birûc Resûl/Qamişlo
Di bin diruşmeya “Bi vîna jina azad em ê dawî li polîtîkayên qirkirin, dagirkerî û tecrîdê bînin”. Bi hezaran pêkhateyên Kantona Qamişlo, 8`ê Adarê roja jinên kedkar a cîhanê li gundê Dirêjîkê yê girêdayê bajarê Terbespiyê pîroz kirin.
Bi hezaran bi dirûşmeya, “Jin jiyan azadî” baweriya xwe ya ji bo serkeftina têkoşîna azadiyê nîşan raber kirin. Bi tevlîbûne bi hezaran jinên Kurd, Ereb û Suryan yên bajarê Amûdî, Qamişlo û dêrikê 8’ê Adarê hate pîroz kirin. Qada şahiyên 8’ê Adarê bi wêneyên Rêber Apo û alan hatibû xemilandin û jin tevahî bi cil û bergên kurdî tevlî pîrozbahiyê bûn û bi siloganên “Jin Jiyan Azadî, Bê Serok Jiyan Nabe her dihatin berz kirin.
Di destpêka şahiyê de deqeyek rêzgirtin li ser giyanên şehîdên şoreşê hat rawistandin. Piştre li ser navê Kongra Star Rîhan Loqo axivî û wiha got: “Di destpêkê de 8`ê Adarê roja berxwedan, tekoşîn û kedkarên jin em pîroz dikin. Bi fikir û felsefeya Rêber Abdullah Ocalan jin hat ronî kirin û nasnemeya xwe nasikir, êdî zincîrên koletiyê qetandin. Herwiha wê bi pêşengtiya jinê tecrîda li ser Rêber Apo were şikandin û azadiyta wî a fîzîkî pêk were.”
Di heman demê de nameyek ji aliyên tevgera jinên Ewropayê hatibû şandin û ji milê endama Komîteya Depilomasî ya Kongra Star Pêncewîn Elî ve hate xwendin û naveroka nameyê jî wiha bû: Ne tenê li Bakur û Rojhilatê Suriyê, jin di hemû qad, kolan û cîhanê de kom dibin ji bo maf û azadiya xwe têdikoşin. Şoreşa jinê li Rojava û destkeftiyên wê, ji bo gelek jin, tevger û rêxistinên jinên cîhanê bû hêz û hêvî.
Di şahiyê de koma Stêre Zêrîn, koma Cûdî, koma şehîd Sakîna û koma Elefteriya yên stranan, di heman demê de hunermend Nisrîn Botan bi dengê û coşa xwe beşdar kêfxweş kirin. Herwiha koma şehîd Rîhan a dîlanên filiklorî hate pêşkêşkirin. Şahî bi pêşkêşkirina sitranan ji aliyê hunermend Necla ve û girtina govendê bi dawî bû.
