Lîloz Hisên/ Qamişlo
Hevbendiya Rêxistinan û saziyên civaka sivîl, bi alîkariya Desteya Çandiniyê û şarederaiya Qamişlo pêngava Şitlên Pêdariyê destpê kirin û 200 dar li çarxeriya Yûsiv Gulo ya bajarê Qamişlo çandin.
Îro li bajarê Qamişlo hevbendiya rêxistinan û saizyên civaka sivîl bi daxuyaniyekê pêngava Şitlên Pêdariyê li dijî êrişên dewleta Tirk a dagirker dan destpêkirin û li çerxerêya Yûsiv Gulo 200 dar hatin çandin.
Daxuyanî bi zimanê erebî û kurdî hat xwendin.
Di destpêka daxuyaniyê de wiha hate gotin: “Em îro li hember polîtîkayên qirkirina sîstematîk a li ser gelên herêmê, bi destê dewleta netew ya li Tirkiyeyê bi hedefgirtina binsaziya gelên Mezopotamiyayê kom dibin.
Dewleta Tirk li ser du çemên nemir; Dîcle û Firatê rêze bendav ava kir û rêya xwezayî ya bi dehan şaxan wan guhert.
Ev deverên ku damarên jiyanê yên ku di dirêjahiya dîrokê de li ser qeraxên wê hatin avakirin, bihezaran gund geş bûn û bûn cihê şaristaniyan.
Bûn cihê ku av lê zêde ye û wargehên yekem ên şaristaniya mirovahiyê û şoreşa çandiniyê ye.
Di daxuyaniyê de îşaret ser polîtîkayên tirkiyeyê hate kirin û wiha domand: Ji ber polîtîkaya antîekolojîk a Tirkiyeyê, çavkaniyên jiyanê zuha bûn û şînkayî kêm bû. Ji hêla biyolojîkî ve, ew dever piştî ku bi hezaran sal û zozanek, veghurî çoleke hişk û zuha. Em li vir li kêleka çemê xabûr rawestiyane, ku heta van demên dawî ji bo me çavkaniya jiyanê bû, lê îro bûye çemekî bê ruh. Û li kêleka me çemê El-Ceqqceq e, ku ji ber êrîşên hovane yên li ser bîrên petrol û neft diherike nav. Wê bûye sedema karesetek nû ya jîngehê.
Di berdewamiya daxuyaniyê bal hat kişandina ser êrîşên dagirkeriya Tirk: Êrîş ne tenê li ser bîrên petrol, her wiha pompeyên avê, benzînxane û stasyonên cereyanê jî dibin hedef. Aş û gelek saziyên girîng ên xizeta xelkê herêmê dike tên wêrankirin.
Em weke rêxistinên civaka sivîl ku li bajarê Hesekê kar dikin, binpêkirinên dewleta Tikr ji qanênên mirovî yên delwetî re bi rengekî eşkere dibînin ku bisaziyê li ber çavaê cîhanê dike armanc û rasterast jiyana xelkê bi rêya qutkirina avê dixe xeteriyê.”
Herwiha di daxuyaniyê debang li saziyên mafên mirovan hat kir wiha berdewam kir: “Ji ber vê yekê em bang li Neteweyên Yekbûûyî û saziyên wê yên mafên mirovan û rêxistinên mirovî dikin ku ji bo şermezarkirina vê siyaseta ku ji aliyê Tirkiyeyê ve tê meşandina bikevin dewrê û ji bo pêşxistin stasyona avê ya Alokê bixebitin. Bi rêya rêxistinên xwe yên mirovî çavdêriyê bikin.”
Daxuyanî bi van gotinan bi dawî bû: “Helwesta me çandina tovên berxwedanê ye, ku armanc dike giringiya zêdekirina qada kesk a li hemberî qirkirina hawîrdorê ya bi destê Tirkiyeyê tê kirin e. Îro em 500 şitlên berxwedanê diçînin ku çanda jiyanê û hatina gel hev, rêxistin, sazî niştecihên herêmê û mirovên koçber bi pêş bixin. Em îro li hev kom dibin ku destên xwe bidin hev û dengê aştî û aramiyê li ser axa xwe ya dîrokî bilind bikin.”
