Birûc Resûl/Qamişlo
Kongra Star a bajarê Qamişlo bi boneya nêzîkbûna 8’ê Adarê Roja Jinên Kedkar ên Cîhanê, meşek girseyî li dar xist.
Bi pêşengitiya Kongra Star a bajarê Qamişlo, îro li bajarê Qamişlo meşek girsayê hat li darxistin. Bi dirûşmeya ‘Bi Vîna Jina Azad Em ê Siyasetên Qirkirin, Dagirkerî û Tecrîdê Têk Bibin’ Meş ji çerxeya Sonî destpê kir heya Navenda Çand û Hunerê ya Mihemed Şêxo hat berdewamkir, her wiha bi tevlîbûne hemî sazî û dezgehên jin yên bajarê Qamişlo bi siloganên ‘Jin Jiyan azadî, Bê Serok Jiyan Nabe’ hat bilind kirin. Bi dehan jinên Qamişlo bi cil û bergên kurdî û ala kesk û sor û zer meş xemiland. Di heman demê de ji bo girînigiya rojê biruşûr li gelê Qamişlo hat belav kirin.
Li ber navenda Çand û Hunerê ya Mihemed Şêxo, deqeyek rêzgirtin li ser giyanên şehîdan hat rawistandin.
Piştira li ser navê Kongra Star a bajarê Qamişlo Hindirîn Xelîl axivî û wiha got: “Di destpêkê de em 8`ê Adarê li tevahî jinên kedkar yên cîhanê pîroz dikin. 8`ê Adarê roja berxwedan û tekoşîna jinan e, bi fikir û felsefeya Rêber Apo jiyana me hat ronî kirin û pêwîsta em wek jin tekoşîna xwe hîn xurtir bikin û azadiya Rêber Abdullah Ocalan bêk bînin. Em wekî jin roj bi roj îrade û tekoşîna xwe bilind bikin. Bi slogan jin jiyan azadî bimre koletî berzkirin.”
Di dawiya meşê de govend hat gerandin.