Birûc Resûl/Qamişlo
Endama Insiyatîfa Suriyêyê ya ji bo azadiya Rêber Apo Nuha Omer diyar kir ku pêngava komkirina îmzeyan di nava gel de gihîştiye asteke bilind, ji pêkhateyên kurd, ereb, suriyan û aşûr ve, zêdeyî milyonek û nîv îmze hatine komkirin, her wiha ev yek diyar dike ku her kes êdî azadiya Rêber Apo ya fîzîkî dixwaze.
Di çarçoveya pêngava cîhanî ya azadiya Rêber Apo, di 9’ê Sibatê de li herêma bakur û rojhilatê Sûriyê kampaniya komkirina imzeyan hat destpêkirin û tevahiya gelên herêmê bi awayekî girseyî tevlî dibin. Li gorî agahiyên ku ji komîteyê hatiye girtin heta niha jimara imzeyên ku hatine komkirin milyonek û nîv derbas kir. Ev imzeyên ku tên komkirin wê ji bo sazî û rêxistinên mafên mirovan yên cîhanî re bên şandin.
Herwiha li gorî planê wê zêdetirî 3`ê meliyon îmze werin komkirin, ev jî di hindirê Bakur û Rojhilatê Suriyê û derveyî wê jî bên komkirin. Beriye niha jî ev pêngav hatibû destpêkirin û bi tevlîbûneke xurt hat kirin, bi taybeyt pêkhateyên Ereb rolekê pir mezin di komkirina îmzekirina ji bo azadiye fîzîkî ya Rêber Apo de lîst.
Derbarê kampaniya komkirina imzeyan endama Insiyatîfa Suriyê ya ji bo azadiya Rêber Abdullah Ocalan Nuha Omer ji Rojnameya me re axivî.
‘Komkirina îmzeyan di nava gel de gihîştiye asteke bilind’
Nuha Omer bal kişand li ser kampaniya komkirina îmzeyan û asta tevlîbûna gel û wiha got: “Di 9`ê Sibatê de me daxuyanî da ji bo destpêkirina pêngava komkirina îmzeyan û ragihandina wê. Her wiha ev kampanî jî dikeve çarçoveya pêngava cîhanî a ‘ji Rêber Apo re Azadî û ji pirsgirêke kurd re çareserî’ ku di 10`ê Cotimeha 2023`an hat destpêkirin, tê meşandin. Kampaniya komkirina Îmzeyan ku li ser asta Bakur û Rojhilatê Suriyê hat destpêkirin, wê heya 4`ê Nîsanê dewam bike. Wekî komkirina îmzeyan di nava gel de gihîştiye asteke bilind, ji pêkhateyên kurd, ereb, suriyan û aşûr bi hijmarekî pir bilind heya niha îmze hatina kirin, hijmara îmzeyan gihîştiye zêdeyî meliyonek û nîvê . Ev jî tê wateya ku êdî her kes azadiya Rêber Abdullah Ocalan a fîzîkî di xwazin. Her wiha ev komkirina îmzayan jî wê di dawiyê de radestê Mecilsa Yekîtiya Ewropayê wê were kirin.”
Pêngava nameyan
Nuha wiha dewam kir: “Em wekî Insiyatîfa Suriyê ya ji bo azadiya Rêber Abdullah Ocalan, me di 29`ê Sibatê de, dest bi pêngavek din kir ew jî nameyeke ji bo 11 rêxistin û saziyên cîhanî yên hiqûqî, tendirostî û mirovê ne û her sazî, deste, rêxistin û partî wê li ser navê xwe wê bi riya îmail were rêkirin. Armanca me jê ew e ku bi hemû aliyan û rêbazan em azadiya Rêber Abdullah Ocalan pêk binin û her kes pêşdarî vê pêngavê bibe, di heman demê de ku çalakî hîn zêdetir xurt û aktîv bibin.”
‘Azadiya Rêber Apo azadiya me ye’
Nuha Omer di dawiya axaftina xwe de wiha got: “Divê kampaniya komkirina îmzeyan de jî hêviya me bi gelên Bakur û Rojhilatê Suriyê pir mezine ku vê tecrîdê bidin şikandin. Her wiha em ê azadiya Rêber Abdullah Ocalan a fîzîkî pêk bînin. Azadiya Rêber Apo azadiya me ye.”
