Birûc Resûl/Qamişlo
Partiya Yekitiya Suryan kongreya xwe ya 4’mîn, li hola Zana ya bajarê Qamişlo li dar xist û di kongerê de gelek nûnerên partiyên siyasî, kesayetên serbixwe û nûnerên Rêveberiya Xweseriya Demokratîk beşdar bûn.
Îro li hola Zana ya bajarê Qamişli 4`mîn kongreya Partiya Yekîtiya Suryan li ser asta Suriyê û derveyê wê hat li dar xistin. Bi tevlîbûna nûnerên Rêveberiya Xweser, endamên Mecilsa Suriya Demokiratîk, rêveber û endamên Partiya Yekîtiya Suryan, Partiyên Siyasî, Saziyên Sivîl û Ciwanên Suriyanî kongre dest pê kir. Di heman demê de bi riya zûmê re wê tevlîbûn ji derveyî Suriyê jî çêbibe.
Di destpêka kongrê de deqeyek rêzgirtin li ser giyanên şehîdan hat rawistandin, her wiha sirûde suryanî hat pêşkêşkirin.
Piştra hevserokên Partiya Yekîtiya Suryan Senherîb Bersûm û Nezîra Kewriyê bi xêrhatina hemî mêvanên ku amede bûn kirin û kongra 4`mîn pîrozkirin û wiha gotin: “Di destpêkê de em ji hemî malbatên şehêdan re sersaxiyê dixwazin, bi taybet 3 endamên Sotoro ku 28‘ê Sibatê de ji aliyê dewleta Tirk a dagirker li bajarê Dêrikê ji aliyê dewleta Tirk ve hatin hedefgirtin. Em ê heya dawî şopdarên riya wan hevalan bin û riya heqîqetê dewam bikin. Dewleta Tirk a dagirker bi riya teknîk û belafirên xwe yên bêmirovî, êriş li ser herêma Bakur û Rojhilatê Suriyê dike. Bi van kiryaran sûcên pir mezin li dijî mirovahiyê pêk tîne. Lê em wek pêkhateyên Suryanî û tevahî pêkhateyên Bakur û Rojhilatê Suriyê, piştgiriyê didin hêzên xwe. Em ê bi yek destî û yek fikirê demokiratîk bi ser bikefin.”
Di heman çarçoveyê de hevserokê Rêveberiya Xweser Hikmet Hebîb da zanîn ku ev 12 sal di ser şoreşa Rojava re derbas bû û heya niha jî dewletên navnetewî li hemberî sûc û êrişên li ser Suriyê tê kirin xwe kor û lal dikin. Ev jî tê wateya ku her dewletek li gor berjewandiyê xwe tevdigere û naxwaze ku li Suriyayê çareseriya siyasî çêbibe. Her wiha ev kongir jî yekîtiye pêkhateyên Suriyê dide nîşandan.”
Piştî wê koma Dîlanê ya Filiklorî ya Suryanî 2 dîlan pêşkêş kirin.
Piştre Kongir bi awayekî girtî hat destpêkirin û wê tê de rêzknameya hundirîn were xwendin, piştre nîqaş li ser vê esasê wê werin kirin. Her wiha di dawiyê de jî wê hevserokê Partiya Yekîtiya Suryan were hilbijartin.