Mamostayê zanîngehê li başûrê Kurdsitanê diyarkir ku projeya Ocalan yekane projeye çareseriya pirsgirêkên Rojhilata Navîn e.
Nivîskar û mamostayê zanîngehê Hawjîn Emîn li ser projeya rêberê Gelê Kurd Abdullah Ocalan a Konfederalîzma Demokratîk ya ji bo çareseriya pirsgirêkên Rojhilata Navîn bi taybet pirsgirêka Kurd axivî.
Emîn balkişand ser kûrahiya şîroveyên Ocalan ên ji bo çareseriya pirsgirêka Kurd û pirsgirêkên Rojhilata Navîn û got; “Ev fikirîna kûr peywendiya xwe bi hinek sedeman ve heye, yek ji van fikirîn û xwendina Ocalan a li ser dîroka mirovahiyê û dîroka Mezopotamya ye. Ezmûnek mezin ya Ocalan li ser vê yekê heye, ji ber vê ev bûye beşek ji projeyên çareseriyên mezin ji bo Kurdan û Rojhilata Navîn.”
Emîn diyar kir ku projeya rêberê gelê Kurd Abdullah Ocalan yekane projeya rast ya ji bo çareseriya pirsigirêkên niha yên Rojhilata Navîn e.
Nivîskar Emîn li ser sedemê pêkanîna projeya çareseriyê ya Ocalan got; “Projeyên dijmin gelekin, ji ber ku ev proje li dijî berjewendiyên emperyalîzm û li dijî dewlet-netewa sexte û nasyonalîzmê ye. Ev dibin sedemê wê yekê ku projeya Ocalan neyê paşguh xistin. Biryarek giştî ya li dijî dûr xistin ji jiyana siyasî dîzayn kirina Rojhilata navîn heye. Nahêlin dengê Ocalan derbikeve ji derve. Ji ber ku projeya Ocalan tirs xistiye nava dewletên bi hêz yên ku cîhanê bi rêve dibin.”
Di dawiyê de nivîskar Emîn diyarkir ku ger projeya Ocalan neyê pêkanîn dibe ku pirsgirêkek mezin ji bo van herêman çê bibe û got; “Ger proje neyê pêkanîn wê bi sedan pirsgirêkên dîrokî bi xwe re bîne.”…ROJNEWS
Çareseriya pirsgirêkan projeya Ocalan e
