Tevgera Azadî diyarkir ku Şengal û civaka Êzidî bi felsefeya azad ya Rêber Ocalan û piştgiriya hêzên gerîla rêya jiyana azad ji bo xwe diyar kirine. Tevgera Azadî diyar kir ku Êzidî êdî gihiştine asta xwe bi xwe bi parêzin û rêve bibin û bang li hemû rêxistinên mafê mirovan kir ku piştgiriya îradeya gelê Êzidî bikin.
Bi rast hatina 3’ê Tebaxê êrîşa li ser Şengalê Tevgera Azadî daxuyaniyek nivîskî weşand.
Di daxuyaniya nivîskî ya Tevgera Azadî de hat gotin ku komkujiya 3’ê Tebaxê yek ji bûyerên herî mezin ya wijdana mirovahiyê hejandi bû. Tevgerê got; “Ev êrîş di demek balkêş de pêkhat, wê demê hêzên hevpeymana navdewletî yên li dijî çeteyên DAIŞ’ê hatibû avakirin, herwiha ew navçe di aliyê rêvebirin û parastinê de jî dibin destê çekdarên PDK’ê de bû. Wana jî gelê Şengalê di destê çeteyên DAIŞ de hiştin. Hemû dîmenên reva çekdarên PDK’ê û komkujiya li ser jinan, zarok û revandin keçan hatîn dîtin, cîhan matmayî hişt.”
Di daxuyaniyê de bal hat kişandin ser berxwedana hêzên gerîla ya ji bo parastina Êzidiyan û wiha hat gotin; “Gelên cîhanê hemû bûn şahidê dîmenek yê berxwedêr, ew jî berxwedana hêzên gerîlayên HPG û YJA Starê bû. Gerîlayan karîn hezaran Êzidî ji komkujiya çeteyên DAIŞ rizgar kirin û nehiştin çiyayê Şengal bikeve destê çeteyan û parastin. Şengalî û civaka Êzidî bi piştigiriya şervanên azadiyê rêya azadî û jiyana xwe diyar kirin. Bi sedan ciwanên Êzidî bi felsefeya Rêber Apo rabûn, xwe di çiyayê Şengalê de perwerde kirin û karîn hêza parastina xwe ava bikin.”
Tevgera Azadî di dawiya daxuyaniya xwe de got; “Niha piştî rizgarkirina hemû Şengal û dawî anîna çeteyên DAIŞ, Êzidî gihiştine wê astê ku êdî xwe bi xwe biparêzin û rêve bibin. Emê weke erkek yê exlaq û netewî hertim piştgiriya encûmena rêveberiya xelkê Şengalê bikin. Ji bo vê em bang li hemû rêxistinên mirovî dikin piştgiriya îradeya rêveberiya gelê Êzidî bikin.”
Êzidî dikarin xwe bi rêve bibin û biparêzin
