Zilm, hovîtî, wehşet û hemû kiryarên dij mirovahahî yên dagirkeriya dewleta Tirk li Efrînê li pêş çavên hemû cîhanê berdewam dikin. Çete û leşkerên dagirker her roj davêjin ser malên welatiyan, wan direvînin û dest datînin ser mal û milkên wan.
Hêzên Tirk ên dagirker avêtin ser mala welatiyekî Efrînê yê bi navê Mehmûd Osiko, ew birîndar kirin û dest danîn ser alavên wî.
Êrîş şeva Sêşemê hate kirin. Li gorî çavkaniyên herêmî, komên çete yên li navenda bajêr avêtin ser mala kesê bi navê Mehmûd Osiko. Dagirkeran êşkence li xwediyê malê kirin û dest danîn ser alavên wî.
Dema ku Osiko li ber dagirkeran rabû, çeteyên Tirk ên dagirker kêr li wî dan û ew birîndar kirin.
SÛK DORPÊÇ KIRIN SÊ KES REVANDIN
Sûka gel a li Efrînê ya di bin dagirkeriya dewleta Tirk de, ji hêla çeteyan ve dora wê hate pêçan û 3 kes hatin revandin.
Li gorî agahiyên xwecih çeteyên bi ser dewleta tirk de bi ser sûka gel de girtin, sûk dorpêç kirin.
Hate gotin çeteyan 3 kes ji sûkê revandine û heta danê nîvro hê jî ev dorpêça çeteyan didome.
Li Efrînê ku ji hêla dewleta Tirk û çeteyên wan ve hatiye dagirkirin, her roj agahiyên li ser êşkence, tecawiz, talan û înfazê tên.
DAGIRKERAN SIVÎLEKÎ DIN REVANDIN
Hêzên Tirk ên dagirker li EFrînê kesekî bi navê Rifet Murad revandin.
Li gorî agahiyan artêşa Tirk a dagirker û çeteyên wan ciwanê 26 salî yê bi navê Rifet Mirad ku li Efrînê li dikanekê dixebitî, revandin.
Jêderên xwecih gotin Rifet Murad ê bi nifûsa gundê Kerkê ya navçeya Mabatê birin girtîgeheke li Tirkiyê.
