Emîna Mihemed/Qamişlo_
Berdevka kongra star a kantona Qamişlo Ibtîsam Hisên diyar kir ji ber ku Gaziyên şer kesên fedekar bûn û di şerê li dijî DAIŞ’ê de cihê xwe girtin, ji ber wê yekê hatin hedef girtin. Herwiha Rêveberiya kongira star ya taxa Hilêliyê Sewsen Ebdela da xuyakirin ku gaziyên şer jî ji êrîşên dewleta Tirk a dagirker bêpar neman.
Dewleta Tirk hemû herêmên Bakur û Rojhilatê Sûriyeyê bi balafirên bê mirov topbaran kirin, êrîşên ku hatin kirin piranî cihên xizmetgûzarî û binesaziya herêmêne. Armanca êrîşên dagirkeriyê têkbirina vîna gelên herêmê û dagirkirina tevahiya Bakur û Rojhildatê Sûriyê ye. Dagirkeriyê di êrîşên xwe yên herî dawiyê de binesaziya herêmê û gelên herêmê kir armanc. Tevî ku êrîşên li ser sivîl û binesaziya herêmê sûcekî dijmirovî ye.
Di derbarê êrîşên dewleta Tirk a dagirker a li ser mala gaziyên şer, Berdevka Kongira Star a kantona Qamişlo û Rêvebera Kongira Star a taxa Hilêliyê ji rojnameya me re axivîn.
Berdevka Kongira Star a kantona Qamişlo Ibtîsam Hisên diyarkir ku dewleta Tirk a faşist bi rengê xweyî hov, bi awayekî dijminane carekî din mala Gaziyên ku di şerê li hemberî DIŞ’ê de birîndar bûne kire hedef û wiha got: “Ji ber ku gaziyên şer ew kesên fedekar û yên ku canê xwe di ber welat de fedakirine, kesên ku li hemberî çeteyên DAIŞ’ê ya ku Erdoganê faşîst serkêşiya wê dike. Ji ber wê jî dewleta Tirk a dagirker navenda gaziyên şer kire armanc. Herwiha di salvegera 25`emîn a komploya navntewîn de ev êrîş li ser van Gaziyan hate pêkanîn, ev jî tê wateya berdewamiya komployê û berdewamiya tecrîda girankirî ya ku li ser Rêber Apo tê meşandin. Ji ber vê jî em wekî jin di pêşengtiya jinê de û wekî gelê Rojava û hemû azadîxwazên cîhanê em ê li berxwe bidin û têkoşînê berdewam bikin. Herwiha em ê tim û tim li ser piya bin heta ku tecrîda fîzîkî ya li ser Rêber Apo têk biçê.
‘Dewleta Tirk hewil dide şoreşa azadiyê têk bibe’
Di heman çarçoveyê de rêveberiya kongra Star a taxa Hilêliyê Sewsen Ebdela destnîşan kir ku gaziyên şer jî ji êrîşên dewleta Tirk a dagirker bêpar neman e û wiha got: “Gaziyên şer ku li hemberî çeteyên DAIŞ`ê yên ku xwestin Rojava dagir bikin li ber xwedan û parçek ji canê xwe feda kirin, ji aliyê dewleta Tirk a dagirker ve hatin hedefgirtin. Di van demên dawiyê de ji milê dagirkeriya tirk a qirker ve li ser Bakur û Rojhilatê Sûriyê gelek êriş û gefên dagirkeriyê têne meşandin, li hemberî vê yekê jî gel di nava berxwedan û tekoşînê de ye.
‘Heta ku Rêber Apo azad nebe, gelê kurd jî azad nabe’
Rêveberiya kongira star a taxa Hilêliyê Sewsen Ebdela di dawiya axaftinên xwe de wiha got: “Aemanca dewleta Tirk ew e ku DAIŞ`ê zindî bike û kurdan tune bike. Lê vîna gelê me xurte û wê dagirkerî tucarî nikaribe bi balafir û êrişên xwe vîna gel bişkîne. Herwiha kompliya li ser Rêber Apo ya ku di 15’ê Sibata 1999 an pêkhat wê bi berxwedana gel tucarî bi ser nekeve û em ê, Rêber Apo azad bikin û heya ku Rêber Apo azad nebe, gel jî azad nabe.”
