Ronaz Silêman/Qamişlo
Îro bi boneya roja cîhanî ya Êzgehan Yekîtiya Ragihandina Azad bi dorûşmeya ‘Êzgeh…dengê şoreşa civakî ye’ Semînerek li Baxçeyê Xwendinê yê bajarê Qamişlo hat dayin.
Îro Yekîtiya Ragihandina Azad bi boneya roja cîhanî ya Êzgehan bi dorûşmeya ‘Êzgeh… dengê şoreşa civakî ye’ Semînerek li dar xist. Herwiha di semînerê de hin endam û rêveberên Saziyên Rêveberiya Xweser, Endam û rêveberên Êzgehên Kanotan Cizîrê û rojnemevanên girêdayî Ragihandina azad beşdar bûn. Herwiha semîner li ser 2 beşan ji aliyê nivîskar Diyar Bohtî û edîtora Kovara Afaq Elmeraa Nêrgiz Ismayîl ve hat dayin.
Naveroka semînerê ji aliyê Diyar Bohtî û Nêrgiz Ismayîl ve hat şîrovekirin û naveroka semînerê wiha bû: “Di nêrîna gelek kesan de, Êzgeh wek destgehek Ragihandinê nayê dîtin, lê Êzgeh beşekî sereke yê Ragihandinê ye. Di dema niha de rola Êzgehan ji ya Kenalan jî zêdetir e. Ji ber kenal hêdî hêdî ji jiyana gel derdikeve, ew yek bi sedema pêşketina enternêtê ye, lê Êzgeh li her derê û bi derfetên herî kêm tên guhdarkirin. Êzgeh xeyalan diafirîne û ramanên mirov dixe nava tevgerê. Bandora êzgehan li cîhanê bi tevahî heye. Dibe ku gelek Êzgeh ji xebatên xwe bi sedema zextan hatin rawistandin, li tevî vê yekê jî xebatên Êzgehan nehatin rawistandin û berdewamiya wê bû sedema pêşketina wê. Di heman demê de bandora êzgeha di şorega Bakur û Rojhilatê Sûriyê de mezin bû.”
Di dawiya semînerê de ji aliyê Cîgerê Hevserokê Yekîtiya Navnetewî ya Rojnamegeriya Erebî Hesen Zaza, Xebatkarên kevnar yên Êzgehên Bakur û Rojhilatê Sûriyê hatin xelat kirin. Xebatkarên Êzgehên hatin xelatkirin jî ev bûn; Rêveberê Orkêş Sebah Hemo, Rêveberê Êzgeha Xabor Mêrxan Îmadî û Rêvebera Êzgeha Dengê Jiyanê Sozdar Ehmed. 
Hêjayî gotinê ye ku li Bakur û Rojhilatê Sûriyê 15 Êzgeh bi fermî weşan dikin.