Ronaz Silêman/Qamişlo
Bi armanca şermezarkirina êrişên dewleta Tirk a dagirker li ser Mala Gaziyên şer bi pêşengtiya Kongra Star meşeke girseyî hat lidar xistin.
Îro bi pêşengtiya Meclisa Kongra Star a bajarê Qamişlo meşeke girsey li dijî êrişên dewleta Tirk a dagirker, bi taybet êrişa dawî ya li ser Mala gaziyên şer hat li dar xistin. Di meşê de Meclisa Malbatê Şehîdan, Kongra Star, PYD`ê, tevahiya sazî û bi 100`an şêneyên bajarê Qamişlo beşdar bûn.
Meş ji çerxerêya Sîvan dest pê kir, heya navenda Mala Gaziyên şer dewam kir. Di meşê de bi 100`an kes tevlî bûn. Herwiha li dijî dagirkeriya Tirk silogan ‘bemire dagirkerî’ hat gotin û xiyaneta PDK`ê hat şermezarkirin.
Di destpêkê de deqeyek rêzgirtin li ser giyanên şehîdan hat rawistandin, piştre li ser navê Koordînasyona Meclisa Kongra Star Şaha Xelîl axivî û wiha got: “Gaziyên şer ku li hemberî çeteyên DAIŞ`ê ya ku xwest Rojava dagir bike, talan û wêran bike şer kiribûn, ji aliyê dewleta Tirk a dagirker ve hatin hedefgirtin. Bi bedena xwe fidekarî ji bo gelê Bakur û Rojhilatê Sûriyê kirin. Da ku aramî li herêmê pêk were, lewra ji ber şerê DAIŞ`ê kiribûn dewleta Tirk wan kir aramnca êrişên xwe. Herwiha em dibêjin ji hemû zagonên navnetewî yên ku dibêjin em mafê mirovên gazî diparêzin, ew bi xwe van zagonan binpê dike. Lê dewleta Tirk a dagirker li hemberî şerê gelê şoreşgerî têk çûye, lewra êrişên xwe li ser Herêma Bakur û Rojhilatê Sûriyê dijwar kiriye. Ev nêzî 40 saliye dewleta Tirk hewl dide şoreşa azadiyê têk bibe, lê nikare vê yekê bi êrişên xwe pêk bîne, ji ber ev şoreş sitona xwe li ser felsefeya Rêber Abdullah Ocalan daye avakirin.”