1.Konferansa Rêxistina Kongreya Star a Qamişlo ku bi duruşmeya “Bi rihê Berxwedana Serdemê em şoreşa jin veguherînin şoreşa civakî” di 31’ê Tîrmehê de li bajarê Qamişlo hat lidarxistin bi biryarên girîng bi dawî bû. Di konferansê de plansaziya du salên pêş hat derxistin û koordînasyoneke nû hat hilbijartin.
1.Konferansa Rêxistina Kongreya Star a Qamişlo bi biryaran û hilbijartina koordînasyona nû ya kongreyê bi dawî bû.
Xebatên 1.Konferansa Kongreya Star a Qamişlo ku li navenda Çand û Hunerê ya Mihemed Şêxo bi dirûşemeya “Bi rihê Berxwedana Serdemê em şoreşa jin veguherînin şoreşa civakî” dest pê kiribû bi biryaran bi dawî bû.
Di konferansê de, pilansazî û biryarên 2 salên pêş hatin pêşkêşkirin. Ji wan; Piştgiriya berxwedana Efrînê, berdewamkirin û bilindkirina têkoşînê ji bo azadiya Rêberê Gelê Kurd Abdullah, xurtkirina têkiliyên bi hemû beş û pêkhateyên Bakurê Sûriyê û pêşxistina qada doplomasî.
Di dawiyê de, ji bo hilbijartinên rêveber û komîteyên koordînasyona kongrê ya Qamişlo dengdan dest pê kir. Li gorî piraniya dengan Ranya Remo, Zubeyda Elî, Rîhan Temo, Welîda Îbrahîm, Sena Xelîl, Şirîn Xelîl wekî rêveberên komîteyên koordînasyonê û Eyhan Murad, Medya Mihmûd, Necah El-Qeso, Şaha Xelo û Munewer Xalid wekî rêveberên koordînasyona Kongreya Star a Kantona Qamişlo hatin hilbijartin.
Koordînasyona nû sond xwarin ku ew ê riya şehîdan û xeta Netewa Demokratîk bişopînin.
Axaftina dawî ya konferansê ji aliyê Rêvebera Kongreya Star Henîfa Mihemed ve hate kirin. Henîfa spasiya beşdarên konferansê kir û konferans wekî gaveke mezin ber bi rêxistinkirina jin di her qadan de destnîşan kir.
Konferans bi qîrkirina dirûşmeyên “Jin, Jiyan û Azadî” bi dawî bû.
