Endamê Desteya Rêveber a Partiya Yekîtiya Demokratîk PYD’ê Esed Menan tecrîda girankirî ya li ser Rêberê gelê Kurd Abdulah Ocalan weke tecrîda li ser tevahî gelê Kurd pênase kir û got: “Desthilatdaran dixwestin navebera galan, bi taybet gelên Kurd û Tirk de şerekî demdirêj derxînin. Lê Ocalan bi berxwedaniya xwe hemû planên wan vala derxist.”
RIYA XWÎNÊ GIRT
Endamê Desteya Rêveber a PYD’ê Esed Menagot; “hêzên destê wan di dîlgirtina Rêberê gelê Kurd Abdulah Ocalan de hene, dixwestin şerekî qirêj ku bi dehan salan dirêj bike, navbera herdu gelên Kurd û Tirk de çêbiba. Berevajî wê, Rêberê gelê Kurd birêz Abdulah Ocalan bi stratejiya xwe ya aşîtiyê rê li ber wê komployê girt. Ji bona ku gelên li herêmê bi hev re bijîn jî hişmendî û felsefeya Netewa Demokratîk afirand. Bi vê yekê Rêber Ocalan rê li ber rijandina xwînê li herêmê girt.”
ÇARESERÎ RAMANÊN RÊBER APO YE
Menan di dewama nirxandina xwe de, diyar kir li hember krîza li herêmê netewa demokgraîk alternatîfeke çareseriyê ye û wiha dewam kir, “Niha li Rojhilata Navîn hêzên serdest dixwazin sîstema netew dewlet mayînde bikin. Êdî xetiminî ne û ji pirsgirêkên heyî re nabin çareserî. Berevajî, bûne sedema kirîz û kaosan. Lê paradîgmaya Rêber APO xweseriya gelan a ziman, çand û neteweyî esas digire. Hemû gelên li herêmê dikarin li gorî xweseriya xwe bi awayekî azad û wekhev bijîn. Menan di dewama nirxandina xwe de qala rewşa li Sûriyê jî kir û got: Ji ber vê hişmendiya serdest, li Sûriyê ti hêzeke ku bikaribe nûnertiya azaweriyên gel bike derneket. Her gel derbasî nava komkujî û qirkirinan kirin. Lê li herêmên Kurdan ku pala xwe didin felsefeya Rêber APO a Netewa Demokratîk, biratiya gelan, jiyana hevbeş û azadiya fikir û ramanê bi pêş ket.”
TÊKOŞÎNA OCALAN A GELAN E
Menan got: “hemû hêzên desthilatdar, di serî de Tirkiyê, ji fikir û ramana Rêber APO ditirsin. Ji ber vê jî dewleta dagirker a Tirk tecrîd li ser Rêberê gelê Kurd Abdulah Ocalan giran kiriye. Nahêle malbat, parêzer û ne jî şande serdana wî bikin. Dizanin ku Rêbar APO hêza wî heye hemû pirsgirêkan bi yek hevokê çareser bike.”
Endamê Desteya Rêveber a PYD’ê Esed Menan dawiyê de wiha got: “Rojhilata Navîn ji her demê bêtir hewceyî pratîzekirina fikrên Ocalan e. Pêwîste saziyên navneteweyî û bi taybet ên mîna CPT`yê xwedî li erkên xwe derkevin û bi awayekî exlaqî nêzî doza Rêberê gelê Kurd Ocalan bibin. Rêber APO li hemberî hişmendiya desthilatdaran têkoşîneke zihnî ya bê hempa dide meşandin. Ji ber vê jî em dibêjin; azadiya Rêber APO azadiya hemû gelên bindest misoger dike.”… Ronahî
