Navenda Nûçeyan
Hêzên Ewlekariya Hundirîn a Bakur û Rojhilatê Sûriyeyê 27`ê Çileyê destpêkirina qonaxa sêyemîn a “Operasyona Mirovî û Ewlehiyê” ragihand. Hêzên Ewlekariya Hundirîn bi piştgiriya QSD û YPJ`ê di 3 rojên pêşîn ên Operasyon Mirovî û Ewlehiyê de 31 çete û kesên bi wan hevkar in girtin.
Hêzê xebatên lêgerînê ji beşa muhecîrat a kampa Holê dest pê kirin.
Piştî destpêkirina operasyonê, jin û zarokên DAIŞ`ê li beşa muhecîrat bi keviran êriş rojnamevan û hêzên ewlehiyê kirin û di encamê de nûçegihanek birîndar bû.
Di roja yekemîn a operasyonê de hêzên beşdar gelek mayîn desteser kirin. Her wiha çeteyekî ku cilê jinan li xwe kiribû girt û tonêl dîtin.
Di êvara roja yekemîn a xebatên lêgerînê de, jinan û zarokên DAIŞ`ê tevlihevî di nava kampê de derxist, êriş noqteyên tîmên qeydkirina belgeyên niştecihên kampê kirin û hewl dan wan noqteyan bişewitînin.
28`ê Çileyê
Hêzên Ewlekariya Hundirîn bi piştgiriya Hêzên Sûriya Demokratîk (QSD) û Yekîneyên Parastin jin (YPJ) di roja duyemîn de xebatên lêgerînê di beşa muhecîrat a kampa Holê de domandin.
Tonêkel ku 2 çete tê de xwe veşartibûn dîtin, ew çete girtin. Her wiha çekên birek û kêr desteser kirin, lêgerîn li zêdetirî ji sedî 80`ê wê beşê çêkir.
Hêzên beşdar di 2 rojan de 4 mayîn desteser kirin û 21 kesên bi şaneyên DAIŞ`ê re hevkar in girtin.
29`ê Çileyê
Di roja sêyemîn a operasyonê de, xebatên lêgerînê di beşa muhecîrat de berdewam kirin. Hêzê gelek stargehên nû dîtin, gelek çete girtin, alên DAIŞ`ê û diravên metal ên çeteyan, bombeyeke destan, sûr û gelek amûrên leşkerî desteser kirin.
Di sibeha 29`ê Çileyê de zarokên DAIŞ`ê agir dadan, li dorê xelek çêkirin, bi keviran êrişî hêzên ewlehiyê û leşkerî kirin û di destê wan de kêr hebûn sloganên çeteyên DAIŞ`ê berz kirin.
Xebatên lêgerînê li beşa ˊMuhacîratˊ bi dawî bûn
Hêzên Ewlekariya Hundirîn xebat û operasyonên lêgerînê li beşa ˊMuhacîratˊ ku yek ji beşên herî xeternak li Kampa Holê ye, bi dawî kir.
piştî 3 rojan Hêzên Ewlekariya Hundirîn xebat û operasyonên lêgerînê li hundirê beşa ˊMuhacîratˊ bi dawî kir.
Hêzên Ewlekariya Hundirîn li vê beşê 29 kesên daxwazkirî girtin, her wiha çek, cebilxane, xendek û tonel dîtin.
Di beşa “muhacîrat” de bombeyên destan û amûrên leşkerî hatin dîtin
Hêzên Ewlekariya Hundirîn di xebatên lêgerînê yên li beşa “muhcaîrat” a kampa Holê de bombeyeke destan, şûr û gelek amûrên leşkerî desteser kirin.
Xebatên lêgerînê di nava beşa “muhacîrat” a kampa Holê de berdewam dikin.
Hêzên Ewlekariya Hundirîn gelek çete girtin, stargehên wan û diravên metal ên çeteyên DAIŞ`ê desteser kirin.
Di lêgerînan de bombeyeke destan, şûrên bi destan hatine çêkirin, kincên leşkerî, gelek diravên metal ên çeteyên DAIŞ`ê û tablet hatin dîtin.
Zarokên DAIŞ’iyan bi kevir û kêran êrişî hêzên ewlehiyê kir
Zarokên çeteyên DAIŞ`ê bi kevir û kêran êrişî Hêzên Ewlekariya Hundirîn kir û sloganên desteka ji DAIŞ`ê re berz kirin.
Zarokên çeteyên DAIŞ`ê li beşa “muhacîrat” a kampa Holê agir pêxistin, kêr di destê wan de sloganên “Dewleta îslamê maye û fireh dibe” û “Dewleta îslamê tê” berz kirin û bi keviran êrişî Hêzên Ewlekariya Hundirîn kirin ku xebatên lêgerînê di nava kampê de dimeşandin.
Beriya wê jî Rêveberiya Xweser û Hêzên Sûriya Demokratîk (QSD) hişyarî ji ber xetereya “nifşê nû yê DAIŞ`ê” dabû û bang li dewletan kiribû ku welatiyên xwe vegerînin. Lê piraniya dewletan ev daxwaz red kir.
Rêveberiya Xweseriya Demokratîk bi tena serê xwe barê malbatên DAIŞ`ê dikişîne û hewl dide zarokên çeteyên DAIŞ’ê di 2 navendên taybet de perwerde bike.
Zarokên DAIŞ`ê ji berê zêdetir tundraw bûne
Rêveberiya kampa Holê destnîşan kir ku tevî perwerdeya ji zarokan re tê pêşkêşkirin, lê belê ji berê bêtir tundraw bûne.
Şandeyeke Rêveberiya Xweseriya Demokratîk a Bakur û Rojhilatê Sûriyeyê serdana kampa Holê kir, ji bo ku qonaxa sêyemîn a “Operasyona Mirovî û Ewlehiyê” bişopîne.
Şande ji hevserokatiya Desteya Kar û Barên Civakî û Kedkaran a Bakur û Rojhilatê Sûriyeyê Meryem Mihemed Îbrahîm, hevseroka Desteya Kar û Barên Civakî û Xebitandinê ya kantona Cizîrê Hindirîn Sîno, serokê Nivîsgeha Kar û Barên Koçberan û Penaberan Şêxmûs Ehmed, hevserokatiya Gerînendetiya Penaberan û Koçberan a kantona Cizîrê Gulistan Oso û Fîroşah Remedan pêk hat. Hevseroka rêveberiya kampa Holê Cîhan Henan şande pêşwazî kir.
Cîhan, ji şandeyê re behsa xetereya kampê û belavkirina fikrên tundraw kir û got: “Ruxmî perwerdeyan, lê zarokên DAIŞ`ê ji berê bêtir tundraw bûne.”
Dûre şandeyê serdana beşa “muhacîrat” kir ku xebatên lêgerînê ji aliyê Hêzên Ewlekariya Hundirîn bi piştgiriya QSD û YPJ`ê tê de tên meşandin.
Têkildarî serdanê hevseroka Desteya Kar û Barên Civakî û Xebitandinê ya Kantona Cizîrê Hindirîn Sîno axivî û got: “Ji bo ku em qonaxa sêyemîn a operasyonê bişopînin, me serdana kampê kir. Armanca operasyonê, xurtkirina ewlehiyê û îstiqrarê li herêmê ye piştî ku tevgera şaneyên DAIŞ`ê zêde bû.
Hindirîn Sîno bal kişand ser paşguhkirina dewletan ji dosyaya DAIŞ`ê re û got: “Barê kampa Holê êdî gelekî giran e. Kesek nizane em ê heta kengî wê rakin. Rewşa giştî ya herêmê û aloziyên li cîhanê ji her kesî re diyar in. Gelek dewletên welatiyên wan di kampê de hene, divê bên û wan bibin.”