Zana Roj/ Şehba
Bi dirûşmeya “Bi vejîna ciwanan xwe bi rêxistin bike, Rêber APO azad bike” 3 yemîn konferansa Tevgera Ciwanên Şoreşger ya kantona Efrîn û Şehbayê hate lidarxistin.
Îro li kantona Şehbayê Tevgera Ciwanên Şoreşger a kantona Efrîn û Şehbayê 3 yemîn Konferans di bin dirûşmeta “Bi vejîna ciwanan xwe rêxistin bike, Rêber APO azad bike” hate lidarxistin.
Konferans li hola Çand û Hunerê li navçeya Ehdas hat li darxistin. Di konferansê de bi sedan ciwanên Kurd û Ereb her wiha ji rêxistin, sazî û tevgerên li herêmê mêvan beşdar bûn. Di destpêkê de holeyeke Rêzgirtin li ser giyanên pekrewanan hate rawestandin û peyre jî bernameya konferansê hat dest pê kirin.
Bernameya konferansê jî wiha bû.
Xwendina perispektîfên Rêber Abdullah Ocalan der barê ciwanan de. Her wiha axaftina vekirinê hate kirin, rapora xebatê du salan wê were xwendin, sînevizyonek der barê kar û xebatên ku hatiye meşandin, nirxandina rewşa rêxistinî, axaftina dawiyê. Her wiha wê bi pêşnûmebiryaran û hilbijartina meclîsa nû bi dawî bibe.
Di axaftina vekirinê de bal hate kişandin ser girîngiya îdeolojiya Rêber APO her wiha girîngiya li darxistina konferansê di demeke wiha de û wiha hat gotin: “Li ser bingeha îdeolojiya Rêber APO xeta têkoşînê di nava civakê de pandora xwe pelavbûye. Bi pirojeya Rêber APO ya netewa demokratîk Kurd û doza azadiya Kurdistanê muhra xwe li dîrokê xistiye. Serkeftinên ku di herêmên parastina medyayê de bi derbekirina dijmin hatine bidestxistin. Her wiha çalakiyên fedayî yên ku di dilê dijmin de hatine pêk anîn, ji dijmin re îsbat dike careke din ku şervanên Rêber APO li her derê ne û felsefeya wî tê jiyan kirin. Li darxistina konferansekî wiha di nava van geşedanan de tê wateya ku gel ji bona berxwedanê û serkeftinê li ser piya ye”.