Birûc Resûl/Qamişlo
Bi boneya 10`emîn salvegera damezrandina Rêveberiya Xweser a herêma Cizîrê û bi dirûşmeya ‘Bi Rihê Şerê Gelê Şoreşgerî, Em ê Dagirkeriyê Têk Bibin û şoreşa xwe biparêzin’ bi hezaran şêniyên Qamişlo meşek girseyî li dar xistin.
Bi boneya salvegera 10`emîn a damezrandina Rêveberiya Xweser a kantona Cizîrê, herwiha li dijî êrişên dewleta Tirk a dagirker, bi hezaran şêniyên Qamişlo meşek girseyî li dar xistin.
Meş di bin dirûşmeya ‘Bi Rihê Şerê Gelê Şoreşgerî, Em ê Dagirkeriyê Têk Bibin û şoreşa xwe bi parêzin’ hat li dar xistin.
Meş ji çerxerêya Osman Sabrî bi beşdariya şêniyên Qamişlo, Dêrik, Hesekê, Girkê Legê, Çilaxa, Til Koçer, Tirbespiyê, Til Hemîs, Dirbêsiyê, Til Temir, Til Birak û Şedadê hat dest pê kirin. Girseya gel heta Stada Şehîdên 12`ê Adarê meşiyan. Herwiha wêneyên şehîdên şoreşê û li dijî dagirkeriya Tirk silogan hatin bilindkirin.
Di meşê de endamên saizyên sivîl, sazî û tevgerên jinan, tevgerên ciwanan, partiyên kurd, ereb û suryan, nûnerên deste û meclisên Rêveberiya Xweseriya Demokratîk û rûspiyên êlan jî beşdarbûn. Gel bi coşeke mezin gihîştin stada 12`ê Adarê.
Di destpêkê de deqeyek rêzgirtin li ser giyanên şehîdan hat rawistandin, piştre li ser navê Mlabatên Şehêdan Şêro Şero axivî û diyar kir ku gelê berxwedêr îro careke din li qadên berxwedanê ye û wiha got: “Bi saya gelê me yê mezin, ji hemû pêkhateyên herêmê, 10 sal ji têkoşînê re derbas bûn, ji ber ku xala bingehîn a destpêkirina projeya demokratîk a Sûriyeyê ji vê herêmê bû, bi saya xwîna şehîdan û projeya gelê Kurd û Neteweya Demokratîk û biratiya gelan.”
Di heman çarçoveyê de li ser nave Kantona Cizîrê Hikmet Hebîb destnîşan kir ku serketin û têkbirina van çeteyan bûn û bi saya biratiyê niha têkoşîna li dijî faşîzma Tirkiyeyê didome û wiha domand: “Em vê cejnê li malbatên xwe û malbatên
şehîdan pîroz dikin û ji hemû cîhanê re dibêjin ku em ê di bin siya vê xetê de heta çareseriya demokratîk ji bo xatirê hemû Sûriyê berdewam bikin. Divê em hemû bi şerê gelên şoreşgerî bawer bikin heta ku em terorê têk bibin û dagirkeriyê ji axa xwe derxînin.”
