Hemza Sêvo/Qamşlo
Êrişa li ser girtîgiha Elsînaa ya bajarê Hesekê ku bi hezaran ji çeteyê DAIŞ’ê lê dimînin, di salvegra xwe ya duyem de ye. Armanc ji êrişa li ser girtîgehê ya ku di 20’ê Çileya 2022’yan de pêk hat, têkbirina aramiya herêma Bakur û Rojhilatê Sûriyê bû. Herwiha bi berxwedaniya QSD’ê piştî 7 rojan ji pêngava Gurzê Gelan 374 çeteyên DAIŞ’ê hatin kuştin û pêngav bi ser ket, di heman demê de 121 şervanên QSD’ê jî şehîd bûn.
Di 20’ê Çileya Paşîn, 2022’yan de, çeteyên DAIŞ’ê êrişî girtîgeha El-Sînaa ya ku bi hezaran çeteyên DAIŞ’ê digre nava xwe, kirin û gelek komên xwekujiyê jî tevlî êrişê bûn. Di destpêka êrişê de; çeteyan bi zanebûn erebeyeke barkirî ji teqemeniyan li deriyê sereke yê girtîgehê ji sê aliyan ve teqandin. Herwiha çeteyên DAIŞ’ê bi armanca dorpêçkirina girtîgehê, armancgirtina QSD’ê û derxistina çeteyan, êrişî girtîgehê kirin. Li kêleka vê êrişê jî bi hezaran çeteyên di girtîgehê de, êrişî Hêzên Ewlekariya Hundirîn û xebatkarên girtîgihê yên din kirin, erebeyeke mezin ku barkirî bû bi çek û cebilxane jî nêzî deriyê girtîgehê bû û da ku çeteyên girtî bi çekan dabîn bike û wan birevîne. Êrişa ku rû da pilankirî bû, çeteyan tunel di taxên weke Xwêran û Zuhûr kolandibûn. Herwiha bi riya wan tunelan piştî kontrolkirina Girtîgeha Elsînaa, taxa Zihûr û Giwêran bixin bin kontrola xwe de.
Destpêkirina pêngava Gurzê Gelan
Di çarçoveya pêngava ‘Gurzê Gelan’ de QSD’ê li derdora girtîgehê, li taxên Hesekê û li herêmên Dêrezorê û Reqqayê li dijî çeteyên DAIŞ’ê dest bi pênegavekê kirin. Hêzên QSD û Hêzên Ewlekariya Hundirîn da ku çeteyên DAIŞ’ê bêhêz bikin û têk bibin, bi istiratîjiyeke mezin li hember çeteyên êrîşkar tevgeriyan. Di encamê de; Careke din hemû çeteyên girtî yên ku ji girtîgihê reviya bûn, hatin girtin û şandin girtîgehên din yên li herêma Bakur û Rojhilatê Sûriyê. Ji bo ku ziyan negihe can û malên welatiyên Hesekê û ji bo parastina zarokên çeteyên DAIŞ’ê (Eşbal Elxîlafa) ku çeteyên DAIŞ’ê ew weke mertalên mirovî bikar tanîn, QSD’ê û Hêzên Asayîşê bi hesasiyeteke mezin tevdigeriyan û bi sebireke mezin li hember rewşê derketin. Di heman demê de QSD û Hêzên Asayîşê, biryara qedexekirina çûnûhatina sivîlan û rewşa awarte li bajarê Hesekê dan û hemû hêzên leşkerî ketin tevgerê. Hêzên Hevpeymana Navdewletî jî tevlî pêngavê bû, esîmanê Hesekê û derdora wê kiri bin kontirola xwe û bi awayekî hestiyar, mûziyên çeteyan bi firokên cengî bombebaran kir.
Têkiliya dagirkeriya Tirk bi êrişê re
Bê guman êrişa ku ji aliyê çeteyên DAIŞ’ê ve li ser girtîgeha Elsînaa pêkhat destê dewleta Tirk jî tê de hebû. Li gor ku QSD’ê di wê demê de lêkolîn û rapirsîna êrişê bi çeteyên êrişkar re kirin, diyar bû ku destê dagirkeriya Tirk di vê êrişê de he hebû
Herwiha di lêkolîn û rapirsînê de hat diyarkirin ku beşek ji çeteyên êrişkar ji Serêkaniyê û Girê Sipî ber bi bajarê Hesekê ve hatin. Herwiha beşê din ji Îraqê derbasî herêmê bûn û êrişî girtîgeha Elsînaa kirin.Li aliyekî din jî êrişên dagirkeriya Tirk li ser herêma Bakur û Rojhilatê Sûriyê faktoreke bingehîn bû di warê tevgera DAIŞ’ê de. Êrişên dewleta Tirk a dagirker yên bênavber li ser herêmê bûn asteng li pêşiya pêngavên ewlekariya QSD’ê û hêzên Ewlekariya Hundirîn yên dijì çeteyên DAIŞ’ê û şaneyên veşartî. Heta roja îro jî dagirkeriya Tirk êrişî herêma Bakur û Rojhilatê Sûriyê dike, ku armanca wê ya sereke ji van êrişan zêdekirina tevgera DAIŞ’ê ye û hedefgirtina gelên Sûriyê ye. Bi taybet girtîgiha Elsînaa ya li Hesekê xwedî xeteriyeke pir mezin e li ser ewlekariya Bakur û Rojhilatê Sûriyê. Di heman demê de hêzên navdewletî û dadgehên navdewletî yên cîhanî bi hezaran çeteyên DAIŞ’ê bê dadgehkirin li herêma Bakur û Rojhilatê Sûriyê hiştine. Li aliyekî din jî bi hezaran malbatên çeteyan li kampên weke Hol û Roj, bi tena xwe xeteriyeke mezin in.
Encama êrişa li ser girtîgirha Sînaa
Di nava girtîgehê de çeteyên DAIŞ’ê 77 xebatkarên girtîgeha Sînaayê û endamên ewlekariyê bi hovîtî hatin şehîdxistin. Di şer û pevçûnên li derveyî girtîgehê de ya ku 7 rojan domand, 121 şervanên QSD’ê şehîd bûn û 4 welatî jî şehîd ketin. Di encama pêngava Gurê Gelan de 374 êrîşkar û girtiyên çeteyên DAIŞ’ê hatin kuşti