Ayşa Silêman/ Qamişlo
Meclisa Jinan a Kongreya Îslama Demokratîk ji bo şermezarkirina êrişên dewleta Tirk a dagirker yên li ser Herêma Bakur û Rojhilatê Sûriyeyê, herwiha hedefgirtina têkoşer û pêşengên ji bo raya giştî daxuyaniyek da.
Bi armanca şermezarkirina êrişên dewleta Tirk a dagirker yên li ser herêma bakur û rojhilatê Sûriyê, herwiha hedefgirtina jinên pêşeng û têkoşer, Îro Meclisa Jinan a Kongreya Îslama Demokratîk di demjimêr 10’an de li Navenda xwe ya li bajarê Qamişloyê û bi tevlîbûna hemû saziyên girêdayî wê ji bo raya giştî daxuyaniyek dan.
Di daxuyaniyê de bal hat kişandin li ser berdewamiya êrîşên dewleta Tirk a dagirker yên li ser herêma Bakur û Rojhilatê Sûriyê û wiha hat gotin: ” Dewleta Tirk binesaziya herêmê û cihên elekitrîk, nexweşxane û malên sivîlan jî armanc digre, bi dehan zarok, jin, ciwan û kal bê sûc hartin qetilkirin, tevî vê yekê jî hêzên derdorê li hermber van sûcan bêdeng dimînin. Bang û daxwazên me ji bo ewlehiyê wê tenê li ser lênûsan werin xêzkirin ji ber xwîna sivîlan tê rijandin û Neteweyên Yekbûyî bê deng dimînin, her wiha dewleta Tirk êrîşî me dike di bin navê xilaskirina herêmê ji terorê, lê ew û hevalbendên wê bi xwe terorin.”
Di berdewamiya daxuyaniyê de hat diyarkirin ku tevî hemû êrişên heyî ew bang dikin da ku dengê wan bighe hemû cîhanê ku çawa bi îxanet û bê wijdanî çalakvana siyasî keça bajarê Hesekê Firyal Silêman ya ku bi navê Zelal dihat nasîn bi çend guleyan kuştin. Firyal Silêman 31 sal ji jiyana xwe di bin xizmeta gel û doza gelê Kurd de qedandibû, her tim ji bo parastina jinê û xilaskirina wê ji hişmendiya bavksalariyê li ber xwe dida da ku bibe hêz ji hemû jinên azad re, bê navber ev berxwedaniya xwe li her derî berdewam dikir . Lê belê ev necara yekeme ku pêşengên jin armanc digerin, dewleta dagirker jî hewil dide vîna gel bişkîne bi riya şikandina hêza jinê, ji ber ku dizane azadiya civakê li ser esasê azadî û pêşketina jinê ava dibe.”
Di dawiya daxuyaniyê de Meclisa Jinan a Kongreya Îslama Demokratîk ya Bakur û Rojhilatê Sûrî wiha got: “Em vê îxaneyta ku di derheqê Şehîd Zelal û hemû Şehîdên azadiyê de tê kirin şermezar dikin, em soz didin hemû Şehîdan ku em ê li ser şopa wan bin bê rawestandin ev berxwedaniya wan wê berdewam bibe, ji ber ku bi riya şihadetê em ê civaka xwe azad bikin.”
