Mîtan 5 Bi Komên Şano Yên Hesekê Û Reqayê Hat Geşkirin

Festîvala Mîtan 5 ku bi durişmeya `Veger Nêz E, Bi hêvî Ne` li ser xaka Şehbayê hatiye destpêkirin. Di roja 7 û 8’an de komên şano yên bajarên Hesekê û Reqayê muhra xwe lê dan.
Zana Ro/ Şehba
Festîvala Mîtan 5 di roja xwe ya 7 û 8’emîn de bi komên şano yên herêma Hesekê û Raqayê hatin geşkirin. Ji bajarê Hesekê bi şanoya `Kiş Mîr` ya derhêner Losîn Qesebiyen û ji bajarê Reqayê bi şanoya bi navê `Sazkirina li ser xeltikên bendawariyê` yê ji derhênertiya Ebdulqadir Ebûd tevlî Mîhrîcana Mîta 5 li herêma Şehbayê bûn û pêşkêş kirin.
Ji Hesekê şanoya `Kiş mîr`
Sîmav Xalêd ji giropa Hesekê ji rojnameya me re behsa navaroka şanoya ku hatiye pêşkêş kirin û wiha got: “Bê guman biryara tevlîbûna me ji mîhrîcana Mîtan re tiştekî gelekî bi nirxe û wetedar e. me xwest di vê festîvalê de girydayî rastî û heqîqetên ku bi destê dijmin li ser gelan hatiye kirin bidin raber kirin. yek ji wan gelan jî gelê Ermeniye yên ku di fermaneke bê wîjdan re derbas bûne. Şanoya `Kiş Mîr` li ser komkûjiya qirkirina gelê Ermen diaxive. 11 hezar ermen ji gun û ware xwe hatin derketin. ne tenê gelê Ermen di komkûjiyên dijmin re derbas bûne bi rastî bi hezaran gelê Kurd di nava qirkirin û siyasetên dijmin re derbas bûne. Me jî weke şanoger me xwest di şexsê Mîtan de komkûjiya ku li ser gelê Ermen hatiye kirin bidin nîşandan”.
Ji Reqayê şanoya `Sazkirina li ser xeltikêm bendewariyê`
Her wiha ji koma Reqayê yên ku di roja dawî de şanoya xwe pêşkêş kirine derhêner Ebdulqadir bal kişand ser şanoyê û jib o wan Mîtan tê çi wateyê û wiha got: “Mijara ku ji bo festîvalê hatiye hilbijartin ew bû ku em bal bikşînin ser diyardeya koçberiyê di salên şoreş û kirîza ku hatiye jiyan kirin. tê de hat nîşandan ku hovîtiya dagirkeriyê yê ku bi xwe re bi hezaran sivîl dane kuştin, her wiha ji topbaranên dagirkeriyê hemû rewşenbîr, doktur, xwendekar hwd mecbûr man û ji welatê xwe derkevin û her kes bi êşekê xwezî li vegera welat dike. Tevlîbûna me ji festîvala Mîtan 5 emîn yak u bi taybet li ser xaxa şehbayê bi îradeya pîroz yê gelê Efrînê hatiye li dar xistin. cihê ser bilindî û rêzdariyê. Me karî ji nêz ve rûxmî koçberî û dorpêçê serkeftinên ku tên jiyan kirin bidîta”.