Ronaz Silêman/Qamişlo
Bi armanca şermezarkirina êrişên dewleta Tirk a dagirker yên li ser herêmê, 15 saziyên çandî, wêjeyî, hunerî û civakî li bajarê Qamişlo ji bo raya giştî daxuyaniyek nivîskî dan.
Îro ji aliyê 15`e Saziyên Çandî, Wêjeyî, Hunerî û Civakî daxuyaniyêk nivîskî di derbarê êrişên dewleta Tirk a dagirker de ji bo raya giştî hat dayîn. Daxuyaniya Kurdî ji aliyê Hevseroka Tev-Çand Gulbihar Omer û ya Erebî ji aliyê Rêvebere Ofîsa Yekîtiya Rewşenbîran ya bajarê Qamişlo Sîba Ebd Elhemîd ve hat xwendin.
Daxuyanî wiha bû:
Daxuyanî wiha hat dest pê kirin: “Karê dewleta Tirk a dagirker karê newêrekan e û siyaseteke kîndar dijî destkeftî û pêkanînên pêkhateyên Bakur û rojhilatê Sûriyê ye, ku bi têkoşîna ji bo azadî û aştiyê di salên zor û zehmet de bi dest xistin e. Dema ku dewleta Tirk a dagirker balafir, top, diron û rêbaza hişmendiya xurtiyê bi kar tîne, ew ji lawazbûn û ji kîna wê ya dîrokî ye, hem jî giroveya hovitiya sîstema wê ya faşist e ku dijî gelên aştîxwaz û azadîxwaz e dide meşandin. Herwiha domanidina dijîtiya dewleta Tirk domandina rêbaza toranî ye ku dewleta Tirkiyê li ser azarên gelên resen (kurd- Ermen- Siryan û Ereb) hatiye avakirin û dewleteke dagêrker e, rejîmeke şerxwaz e, terora dewletê ya bi rêkûpêk bi kar tîne, hemû dozên ewlehî û aştiyê li bin guhên dîwaran dide, gunehbariyên cengê li dijî mirovahiyê dike, şerê mirov bi gepa nên, ewlehî û hedana wî dike.”
‘Armanca êrişan koçberkirina gelê herêmê ye’
Daxuyanî wiha hat domandin: “Em dizanin ku dewleta Tirk dijminahiya me dike. Û berdewamiya êrişên wê yên li ser abûrî û binesaziya me mîna (Navendên Enerjiya elektirîkê, Bîrên Petrol û Gazê) topbebaran dike, da ku gelê me koçber bibe û herêm jêre vala bimîne, hem jî hewil dide ku çeteyên DAIŞ`ê vegerîne herêmê, da ku destkeftiyên şoreşê tune bike û temenê qeyrana Sûriyê dirêj bike. Lê Tirkiyê dê di hemû hewildanên xwe de têk biçe, ji ber berevaniya me di ber mafê jiyanê de wê bibe bersivdayina guncaw ji hemû êrîşên Tirkiyê re.”
‘Em ê di riya azadiyê de berdewam bin’
Daxuyanî wiha bidawî bû: “Em weke nûnerên yekitî, komele, melbend û desteyên çandî, wêjeyî, civakî û olî yên kurd, ereb, siryan û ermen, ji hemû olên misilman, xiristiyan, êzîdî û zeradeştî, em êrîşên dawleta Tirk yên terorî li ser herêma Bakur û Rojhilatê Sûriyê şermezar dikin û em bang li rêxistinên mirovahî û desteyên navdewletî dikin ku van êrîşên rawestînin, hem jî em ji hêzên kiwalisyona navnetewî û hêzên Rûsî dixwazin ku jêpirsînê derbarê gunehbariyên Tirkiyê yên terorî de bikin. Herwiha em soza xwe ji hemû pêkhateyên Sûriyê re nû dikin ku em ê yekrêzbin û li dijî faşîsma Tirkiyê û siyasetên wê bin û em ê berxwedan xwe hetanî ku em herêmên xwe yên dagirkirî rêzgar bibin berdewam bikin. Hem jî em Efrîn, Serê Kaniyê û Girê Spî ji bîr nakin û em rê nadin Tirkiyê ku zora vîna me bibe, em ê di rêyên azadiyê de berdewam bin her çiqasî ew giranbuha be jî.”