Festîvala Mîtan 5 bi dirûşmeya `Em Diçînin Jiyan` di roja xwe ya 6’emîn de bi tevlîbûna koma Şano yê bajarê Kobanê hat li dar xistin û şanoya bi navê ‘Çakûç ’ hat pêşkêşkirin..
Zana Roj/ Şehba
Festîvala Mîtan 5 di roja xwe ya 6 ê de bi beşdarbûna koma şano yê bajarê Kobanê bi şanoya `Çakûç` hat xemilandin. Weke her roj bi cûş û heyecaneke mezin bi sedan ji zarok û gelê Efrîn û Şehbayê hola Cand û Hunerê hat geşkirin. Kobana berxwedêr ku bi berxwedaniya xwe efsaneya serkeftinê nivîsandiye careke din bi rengê xwe muhra xwe li festîvala Mîtan 5 xist. Têkildarî mijara şanoyê û beşdarbûna Bajarê Kobanê ji Mîtan re lîstikvan Nûrcan Îbrahîm ji rojnameya me re
axivî.
Ji bajarê Kobanê şanoya `Çakûç`
Nûrcan bal kişand ser navaroka şanoya `Çakûç` û wiha îfade kir: “Hilbijartina me ji vê sînaroyê re me xwest êşa dayîkên Kurd her wiha bê edalatiya ku ji aliyê dewletê ve li ser sere Kurdan tê kirin bidin xuya kirin. ev mijar jî rastiya dewletan û Kurdan dide îfade kirin û hîn jî tên jiyan kirin. rola ku min wergirtiya rola dayîkeke Kurd e ku bê sûc lawê wê ji aliyê dewletê vet ê girtin û bi salan ji ber bê edaletiyê di zîndanê de dimîne û îşkence dibe. ev rastî jî heyanî niha di Bakurê Kurdistanê de tên jiyan kirin û bi sedan dayîkên Kurd êş û elem ji dewletê dibînin”.
Her wiha nûrcan diyar kir ku moral û heyecaneke mezin ji gelê Efrînê di Mîtan de girtin û wiha bi dawî kir: “Beşdarbûna me ji Mîtran re yekem car e, ev yek jî ji bo me cihê şanaziyê ye. bi rastî Mîtan hêşt ku em moral û heyecaneke mezin ji hebûn û berxwedaniya gelê Efrînê li Şehbayê bigirin”.