Ronaz Silêman/Qamişlo
Welatiyên bajarê Qamişlo diyar kirin ku hêrsa wan li hemberî êrişên dagirkeriyê roj bi roj gurtir dibe û gotin; Bi zêdebûna êrişan em ê berxwedan û têkoşîna xwe zêdetir bikin.
Bi dirêjahiya şoreşa Rojava re, êrişên dewleta Tirk a dagirker nahtiye rewastandin, dagirkerî her car bi rêbazekî cûda û dijwartir êrişî Herêma Bakur û Rojhilatê Sûriyê dike. Herî dawiyê jî di şeva 12 Çileya 2024`an de dewleta Tirk a faşîst careke din êrişî Bakur û Rojhilatê Sûriyê kir. Dewleta Tirk a dagirker roj bi roj bi rengekî dijwartir û birêbazên cur be cur êrîşî Herêma Bakur û Rojhilatê Sûriyê dike. Êrîşên dewleta Tirk a dagirker tu sînoran nasnake, binesaziya herêmê û hemû cavkaniyên jiyanî dike hedefgirtin. Armanca sereke ji êrîşên dewleta Tirk a dagirker tunekirina aboriya herêmê û koçberkirina gelên wê ye, li hemberî wê jî berxwedana gelan û girêdana wan bi axê zêde dibe.
Di derbarê êrişên dewleta Tirk a dagirker de welatiyên bajarê Qamişlo ji rojnameya me re axivîn.
Welatiya bi navê Cîhan Ehmed diyar kir ku dewleta Tirk a dagirker ji hêza Rêveberiya me
hêris dibe û wiha got: “Heger dewleta Tirk a dagirker ji Rêveberiya me hêris nebaya êrişên xwe li ser herêma Bakur û Rojhilatê Sûriyê pêk netanî. Herwiha her dem li hemberî êrişên dewleta Tirk a faşîst wê berxwedana me biserkev e. Bela dewleta Tirk baş bizanibe ku em ê ji zarokê 7 rokî heta 70 salî têkoşîn ji bo axa xwe bikin û dev ji axa xwe bernadin, di heman demê de doza azadiya Rêber Apo ya fîzîkî pêk bînin. Bêdengiya dewletên navnetewî li hemberî sûcên ku dewleta Tirk a dagirker li ser herêma me dide meşandin, da diyarkirin ku wan kilopa kesk jêre nîşan daye û hevkarên sûcên dewleta Tirk in, lê hêz û vîna me jî ji ya dewleta faşîst xurtir e.”
‘Bi zêdebûna êrişan em ê berxwedanê zêde bikin’
Di heman çarcoveyê de welatiya bi navê Behiya Hesen destnîşan kir ku bertekên gelan li hemberî dagirkeriyê gurtire û wiha got: “Dewleta Tirk a dagirker li Herêma Bakur û Rojhilatê Sûriyê bineszaî, cihên xizmetguzarî û tevahî çavkaniyên jiyanî dike hedefa êrişên xwe, çi bi tank û tobpan be çi bi balafirên bêmirov li ser me pêk tîne. Lê em gelê Bakur û Rojhilatê Sûriyê ti çarî ji êrişên dewleta Tirk a dagirker hêris nabin. Bi zêdebûna êrişan em ê berxwedan û têkoşîna xwe zêde bikin.”
‘Dema mijar dibe gelê kurd cîhan xwe keer û lal dike’
Di heman mijarê de welatiyê bi navê Emîn Mihemed êrişên dewleta Tirk a dagirker şermezar kir û wiha got: “Qaşo Dewletên Navnetewî mîna Rûsiya û Amerîka li vir dimînin, lê bi êrişên dewleta Tirk re dengê xwe nakin û dema mijar jî dibe gelê kurd xwe ker û lal dikin. Dewleta Tirk dewletekî terror e û li hemberî êrişên wî dibêjin heta nefesa dawî em ê li ser piya bin û dijî sûcên Erdogan bisekinin. Şoreşa Rojava şoreşekî miroviyê ji bo miletê bindeste, ji bo ku gelên bi salan di taritiyê de jiyan kirine bixe roniyê, lê dewleta Tirk ji vê yekê hêris dibe naxweze gelê kurd û gelên bindest di nava ronahiyekê de jiyan bikin, lewma rojane êrişên xwe li ser me dewam dike.”