Birûc Resûl/Qamişlo
li dijî êrişên dewleta Tirk a dagirker yên li ser herêmê û hedefgirtina bênesaziya Bakur û Rojhilatê Suriyê, bi hezaran şêniyên Qamişlo daketin qadan û tekez kirin ku ew ê bi berxwedaniya xwe tevahiya êrişan têk bibin.
Bi hezaran şêniyên Qamişlo ya kantona Cizîrê ji bo şermezarkirina êrişên dewleta Tirk a dagirker ên li ser herêmê daketin qadan û bi dirûşma ‘Li Dijî Dagirkeriya Dewleta Tirk Şoreşa Rojava
Biparêzin’ û ‘Gelê Sûrî Dagirkeriya Osmaniyan Qebûl Nake’ meşiyan.
Meş ji çerxerêya Sonî dest pê kir, her wiha heya navenda Mihemed Şêxo a Çand û Hûnerê dewam kir. Di meşê de bi hezaran gel tevlî bûn. Herwiha li dijî dagirkeriya Tirk silogan hatin bilindkirin.
Di destpêkê de deqeyek rêzgirtin li ser giyanên şehîdan hat rawistandin, piştre li ser navê Insyatîfa Gel Ayid Ibrahîm axivî û diyar kir ku gelê berxwedêr îro careke din li qadên berxwedanê ye û wiha got: “Tu kes nikare vîna gelê me bişikîne. Heta dawiyê em ê wefdarên şehîdên xwe bin. Her wiha dewleta Tirk li hember dîroka berxwedêr a gelê herêmê ku bi pêşengiya jinan tê meşandin bibin ket. Niha dewleta Tirk di nava aloziyan de ye, lewma siyasetên qirkirinê li dijî herêmê dimeşîne û êrişî gelan dike.”
