Ronaz Silêman/Qamişlo
Bi pêşengiya Kongra Star û Yekîtiya Jinên Ciwan bi meşeke girseyî şehîdên komkujiya Parîsê li Şehba û Qamişlo hatin bîranîn. Meş ji çarxereya Osman Sebrî ya bajarê Qamişlo hat destpêkirin û li pêşiya navenda Mihemed Şêxo ya Çand û Hunerê bi dawî bû, di meşê de Saziya Malbatê Şehîdan, Kongra Star, Yekîtiya Jinên Ciwan, PYD`ê, tevahiya saziyî û bi 100`an şêneyên bajarê Dêrik, Tirpêspiyê, Amûdê, Dirbêsiyê û Qamişlo Şehîdên komkujiya Parîsê li bajarê Qamişlo bi bîr anîn.
Di meşê de wêneyên şehîd Fîdan, Ronahî û Sakîna hat bilindkirin, herwiha sloganên ‘Jin Jiyan Azadî, Bimre Îxanet, Şehîd Namirin û bê Serok jiyan nabe hatin berzkirin.
Di dawiya meşê de li ser navê Meclisa Kongra Star Şeha Xelîl û Cewahir Osman axaftin kirin û wiha gotin: “Îro rojekî dîrokî ye û ketiye asta dîroka cîhanî de. Ev roj salavgera Sakîna Cansis û Rêhevalên wê ye. Sakîna Cansis keça Dêrsimê û têkoşera ku serî hilda. Jina ku di bin hemû şert û mercên giran yên ku ji milê faşîzma Tirk ve li ser wê dihate meşandin li ber xweda û tucarî serî netewand. Sakîna yek ji damezrînerên PKK`ê bû, di têkoşîn û azadiya jinê de bi israr bû û her tim di asta pêşengtiyê de kar û xebat dikir.”
Herweha di heman çarçoveyê de li Şehbayê meşeke girseyî ji aliyê kongira star ya kanyona Efrîn û Şehbayê ve ji bo bîranîna salvegera 11 emîn ya Şehadeta her sê jinên şoreşger ku li Parîsê bi kompiloyekê şehîd ketibûn hat birêxistinkirin.
Meş bi tevlîbûna bi sedan jin, ciwan û pêkhateyên heremê û tavahî rêxistin û partiyan ji saha ajokariyê li Fafînê heyanî goristana şehîdan hat bi rêve birin.
Di dawiyê de Axaftin li ser navê kordînasyona kongira star Ferîde îbiş û ji aliyê malbatên şehîdan ve menel şêxo hatin kirin kirin û têde rastiya komkujiyê hate vegotin û biryardariya jinan û tekoşîna wan ji bona dadgehkirina kujeran