Gerîlayên HPG’ê li Lîcê li leşkerên Tirk xistin û di encamê de 8 leşker hatin kuştin.
Navenda Ragihandin û Çapemeniyê ya HPG’ê li ser çalakiyên gerîla daxyaniyeke nivîskî weşand.
Di daxuyaniyê de ev agahî hatin dayin: “24’ê Tîrmehê saet 23:50’î, li herêma Omerya ya navçeya Nisêbîn a Mêrdînê, di navbera yekîneyeke me ya bi erka xwe radibû û artêşa tirk a dagirker de şer derket. 3 hevalên me yên derbên giran li hêzên dijmin xistin, bi lehengî şer kirin û şehîd bûn.
8 LEŞKERÊN TIRK LI LICÊ HATIN KUŞTIN
21’ê Tîrmehê saet 00:30’î, hêzên me li dijî bendeke kontrolê ya li nêzî gundê Kijilnehîzê yê navçeya Licê ya Amedê çalakiyek kirin. Ji nêz ve li benda kontrolê hate reşandin û kulûbe bi temamî rûxiya. Bi qasî ku hate tespîtkirin 8 leşkerên dijmin hatin kuştin. Hevalê me Aram ku di çalakiyê de bi canbexşane li dijî hêzên dijmin şer kir û bi giranî birîndar bû, ji bo bi saxî nekeve destê dijmin, bombeay xwe bi xwe ve teqand û şehîd bû. Artêşa TC a dagirker piştî çalakiyê termên leşkerên xwe û ên birîndar bi gelek wesayitên zirxî ji herêmê rakir.
18’ê Hezîrana 2018’an saet 00:30’î artêşa TC a dagirker li derdora gundê Bektaş ê navçeya Hênê ya Amedê dest bi operasyonê kir. Ji ber operasyonê di navbera hêzên me û artêşa TC a dagirker de şer derket. Artêşa TC a dagirker bi balafirên şer bombe li qada operasyonê barand. Ji ber bombebaranê hevrêyên me Koçer û Roger şehîd bûn.
Gêrîla li Colemêrg û Amedê lê da
