Navenda Nûçeyan/Qamişlo
Encamnameya êrîşên dewleta Tirk a dagirker yên li ser Herêma Bakur û Rojhilatê Sûriyê yên di 26`ê Berfanbara 2023`an de.
Dewleta Tirk a dagirker bombebaran û topbarana li ser Herêma Bakur û Rojhilatê Sûriyê didomîne. Di encama wê de ziyanên madî yên mezin çêbûn, her wiha (8) welatî şehîd bûn û bi dehan jî birîndar bûn. Li hember van êrîşan jî hêzên navneteweyî bêdengiya xwe didomînin.
Di encama êrişên dewleta Tirk a dagirker li ser saziyên jiyanî, Binesazî, navendên xizmetguzarî û sivîlan dike hedef. Balafirên bê mirov ên dewleta Tirk di 26`ê Berfanbarê de êriş kirin û gelek navendên sivîl û yên xizmetguzarî kirin hedef.
Encamnameya êrîşên dewleta Tirk di 26`ê Benfanbarê bi vî awayî ye:
-Êrîşên bi balafirên bê mirov (18 caran)
-Êrîşên bi çekên giran (20 caran)
-Hejmara saziyên sivîl ku hatine hedefgirtin (6) ew jî kargeh, kampaniya avakirinê, rawestgiha tirênê û depoyên genim.
– 2malên Sivîl jî hatin hedefgirtin.
-10 Navendên Hêzên Ewlekariya Hundirîn li kantona Cizîrê, bajarê Kobanê û gundewarên wê hatin hedefgirtin.
Li Kantona Cizîrê dewleta Tirk a dagirker 11 êrîş pêk anî. Di van êrîşan de kemera bakurê bajarê Qamişlo, kargeha Cûdî ya çêkirina savar a li bajarokê Girbawî yê başûrê bajarê Qamişlo. Herwiha derdora depoyên genim li gundê Girê Ziyaretê Çolî(Tiwêba), rojavayê navçeya Girkê Legê yê girêdayî bajarê Qamişlo, depoyên genim li navçeya Amûdê, gundê El-Tewîle yê gundewarên rojavayî navçeya Til Temir, rawestgiha tirênê ya li bajarê Qamişlo, nexweşxaneya Kovîd a li bajarê Qamişlo, maleke sivîl a welatiyê bi navê Hekîm Hec Bekir li navenda navçeya Dirbêsiyê, mala welatiyê bi navê Eşref li deriyê rojhilatê navçeya Dirbêsiyê, kampaniya avakirinê û derdorê girtîgiha Elaya ya ku dikeve bajarê Qamişlo hatin hedefgirtin û bombebarankirin.
Li bajarê Kobanê û gundewarên wê jî artêşa Tirk 6 caran êrîşî bendên kontrolê yên deriyê rojava û rojhilatê bajarê Kobanê kir, benda Hêzên Ewlekariya Hundirîn a deriyê başûrê bajarê Kobanê ya li ser rêya Helebê. Her wiha bendên kontrolê li Helinc, Şeran û Şêran hatin bombebarankirin û ew jî gund û navçeyên girêdayî bajarê Kobanê ne. Di heman demê de dewleta Tirk a dagirker herêmên Şehba û gundewarên rojhilatê Efrînê kir hedef û 19 navend topbaran kirin.
Dewleta Tirk a dagirker bi çekên giran û topan gundên rojhilatê Efrînê topbaran kirin. Gundên ku li herêma şehbayê hatine topbaran kirin jî ev in, gundê Bênê/Ebiyen ê navçeya Şêrawa, gundê Merenaz ê girêdayî navçeya Şera/Şeran ê gundewarên rojhilatê Efrînê û bi topan gundê Til Qerah ên herêma Şehbayê, topbaran kir.
Dewleta Tirk a dagirker bi topên giran û hawanan gundê Til Qerah, Um Hoş, Semûqa, Til Çîçan, Til Medyeq ên herêma Şehbayê topbaran kirin. Her wiha dewleta Tirk a dagirker êrîşên xwe yên bi çekên giran li dijî gundewarên kantona Şehbayê. Gundên Menix, Bêloniyê, Şêx Îsa, Herbil, Um El-Hoş, Semûqa, Til Çîçan, Til El-Mediyeq, derdora gundê El-Wehşiye û derdora bajarokê Til Rifet, hatin topbarankirin. Di heman demê de gundê Merenaz ê girêdayî navçeya Şera/Şeran ê gundewarên rojhilatê Efrînê ji aliyê dewleta Tirk ve bi topên giran hate topbarankirin.
