Li navenda Çand û Huner a navçeya Til Hemîs a ji bo pêşxistina fikrên ciwanan û pêşxistina çanda herêmê panelek bi navê “Helbest şaneya ku çanda gelan vedibêje” hate lidarxistin.
Panel li navenda Çand û Huner a navçeya Til Hemîs hate lidarxistin. Hejmareke ji helbestvanên herêmê tev li panelê bûn. Panel bi armanca pêşxistina fikrên ciwanan û vegerandina çanda Ereb hate lidarxistin. Bi sedan şêniyên herêmê û endamên saziyên sivîl û leşkerî beşdarî panelê bûn.
Helbestvan Hemdî El-Ezo, Macid Hisên El-Xilêf, Mihemed El-Rewîsî, Fewaz El-Nezal, Mahir El-Hisên, Hind El-Necris, Mehmûd El-Helûş û her wiha zarokên bi navê Ala El-Etîb û Lemiya El-Elî jî tev li panelê bûn.
Di panelê de bi navê navenda Çand û Hunera navçeya Til Hemîs Sayil El-Muxlif axivî û bi xêr hatina beşdaran û helbestvanan kir.
El-Muxlif di axaftina xwe de diyar kir ku ew weke navenda Çand û Huner hewl didin çanda gelan û civakê pêş bixin û wiha got,”Em dikarin bi yekîtiya xwe bi beşên rewşenbîr re çanda xwe li herêmê pêşbixin da ku bibe neynika gelan.”
Paşê helbestek bi navê “bav” ji aliyê zaroka bi navê Ala El-Etîb û helbestek bi navê “dayîk” ji aliyê Lemiya El-Elî hatin xwendin.
Paşê her helbestvanekî bi rengê xwe helbestên xwe yên cûda xwendin.
Di dawiyê de endamên Meclisa bajarokên Ekaz û Cezaa hinek ji çanda Erebî ya resen a êla Şemer gotin.
Panel bi stranên gelerî ji aliyê Endamê navenda Çand û Huner a Til Hemîsê Mehmûd El-Zahir ve bi dawî bû…ANHA
Li ser helbestê panel hat dayîn
