Ronaz Silêman/Qamişlo
Tevgera Ciwanên Şereşger bi daxuyaniyekê çalakiyên Gerilayên azadiyê pîroz kirin û êrişên dewleta Tirk a dagirker li ser herêma Bakur û Rojhilatê Sûriyê Şermezar kirin
Tevgera Ciwanên Şoreşger a Sûriye yê li ber parka El Şeriq bi daxuyaniyekê çalakiyên Gerilayên azadiyê li çiyayên azad yên li dijî dewleta Tirk a dagirker pîroz kirin û êrişên dewleta Tirk a dagirker li ser herêma Bakur û Rojhilatê Sûriyê şermezar kirin. Di serî de û ji berî xwendina daxuyaniyê xuleyek rêzgirtin li ser giyanê şehîdan hat rawestandin, piştre ji aliyê Rêvebera Parastina jin a ciwanan Rosêl Elî daxuyanî hat xwendin.
Daxuyanî wiha ye:
Di destpêka daxuaniyê de hate gotin ku: Em wek Tevgera Ciwanan êrişên ku li dijî destkeftiyên Şoreşa Bakur û Rojhilatê Sûriyê têne kirin qebul nakin û mehkum dikin. Êrişên li ser destkeftiyên Şoreşê êrîşa li ser nasnameya ciwantiyê ye. Şoreşa azadiyê her tim xwe bi ciwanan nû kiriye û xwe nû dike û mezintir dike, em nahêlin dewleta Tirk a dagirker axa me dagir bike û dest bavêje welatê me, em ê li dijî dagirkeriyê ala berxwedanê û serkeftinê bilin bikin. Emê wek ciwan her tim li qada bin û erkên ku dikeve ser me wek erkê ciwantî ku di şoreşê de pêşengî bikin pêk bînin.
‘Çalakiyên gerîlayên azadiyê pîroz dikin’
Daxuyanî wiha hat domandin: Em wek ciwan çalakiyên Gêrîlayên azadiyê û operasyona şoreşgerî silav û pîroz dikin û dibêjin wek ciwan divê bi ruhê her der Gerîla her der berxwedan tev bigerin û em ê heya dawiyê bi erka xwe yê ciwantiyê bi hemû awayî li ser şopa şehîdan û şervanên azadiyê bin û şoreşa azadiyê mezintir bikin û het tim berê me wê li gerîla be. Ji ber ku gerîla ew e yê ku dijminê dagirker têk bibe û gerîla bi sekna xwe dijmin têk dibe û bi fikir û felsefeya Rêber Apo xwe nû dike û em jî bi wî rihî her tim berê me wê li çiyayê azad be.
‘Dagirkeriya tirk wê tucarî nekaribe îradeya me bişkîne’
Daxuyanî wiha bi dawî bû: Em wek ciwanên fedayî yê Rêber Apo êrişên dewleta Tirk a dagirker şermezar dikin û di heman demê de banga me ji bo tevahî ciwanên azadîxwaz ew e, ku li dijî wan êrişan bê deng nemînin û nîşanê hemû hêzin dagirker bidin ku tucarî nikarin hêz û îradeya me bişkînin. Ji ber ku îradeya me ji fikir û felsefeya Rêber Apo û serkeftina Gerila hêza xwe digre û divê em ciwan xwedî helwest bin û ji bona têkbirina wan êrîşan divê em rêbertiya xwe azad bikin û dawiya êrişan bînin. Weke ciwan heyanî ku dagirkerî li ser welatê me neyê bidawî kirin em nasekinin û emê bi rihê Apogerî li berxwebidin û serkeftin û azadiyê pêkbînin.
