Birûc Resûl/Qamişlo
Bi beşdariya bi hezaran şêniyên bajar û navçeyên kantona Cizîrê merasîmên 6 şehîdên êrişên dewleta Tirk a dagirker li bajarê Qamişlo, pêkhat û cenazeyên şehîdan li Goristana Delîl Saroxan, hetin oxirkirina.
Bi berzkirina dirûşmên “Berxwedan jiyan e” û “Şehîd namir in” bi hezaran şêniyên kantona Cizîrê cenazeyên Ferhan Xelef, Bêrîvan Mihemed, Hisên Mihemed, Riyad Hemo, Rênas Hisên û Ferhan Temê li ser milên xwe rakirin û ber bi Goristana Şehîd Delîl Saroxan ve ya li Qamişloyê meşiyan.
Merasîm bi deqeyek rêzgirtin li ser giyanê şehîdan dest pê kir, piştre li ser navê Mecilsa Giştî a Partiya yekîtiya
Demokiratîk PYD’ê Foza Yûsif wiha axivî û got: “Di destpêkê de em sersaxiyê ji malbatên Şehîdan re dixwazin û şîfaya lezgîn ji birîndaran re dixwazin. Weke ku tê zanîn dewleta Tirk a dagirker li çiyayên kurdistanê têk çûye, dagirkeriya Tirk dixwaze Îradeya gelên herêmê têk bibe. Lê îradeya gel ji planên dagirkeriyê xurtire û tu carî çavên gel naşike. Heya ku dilopek xwîn di canê me de hebe emê berxwedan û tekoşînê bikin. Divê hemû gelên Bakur û Rojhilatê Sûriyeyê helwesta xwe ya li dijî siyaseta qirkirinê nîşan bidin û girêdana xwe ya bi ax û nirxên xwe ve diyar bikin. Divê gelê me bi hemû pêkhateyên xwe di rewşa awarte de be û li gel hêzên xwe û Rêveberiya Xweser bisekine. Bila hemû cîhan bizane ku em ê serî li ber van êriş û gefan netewînin. Em ê xwe biparêzin û tola şehîd û birîndarên xwe hilînin.”
Piştre jî li ser navê Kongira Îslama
Demokratîk ji aliyê Mela Mihemed Xerzî ve axaftinek hat kirin û bi tevahî sûcên dijmirovî yên dewleta Tirk a dagirker li dijî gelên herêmê sûcên şerin û dagirkriya tirk dûrî hemû pîvanên islamê û axlaqê mirovahiyê tevdigere.
Her wiha zaroka Larîta keça şehîd helbestek ku tê de rola şehîdan bilind nirxand û xwend, tê de tekez kir ku ruhê berxwedanê di dilê zarok û malbatên şehîdan de çandine.
Gotinên malbatên 6 şehîdan jî destnîşan kirin ku ruhê berxwedanê wê her zindî bimîne: “Eger yek ji me şehîd bikeve wê bi hezaran cihê wî dagirin. Bi vê vîn û giyanî berxwedanê ku li malbatên şehîdan xwedî derketin, bi gotinên xwe anîn ziman ku ev kiryarên dagirkeriyê wê wan bêhêvî neke û wê her tim ji bona gihiştina armanca xwe tekoşînê bikin.”
Merasîm bi xwendina wesîqeyên 6 şehîdan bi dawî bû û bi tilîliyên dayikan cenazeyên şehîdan hatin oxirkirin.
