Kongreya Star amedekariyên destpêkirina pêngava 3’emîn ya Azadiya Rêberê Gelê Kurd Abdullah Ocalan dide destpêkirin. Endama Rêveberiya Kongreya Star Zehra Berkel diyar kir ku ew ê di 2’yê Tebaxê de bi awayekî fermî dest bi çalakiyan bikin. Zehrayê got, “Emê têkoşîna xwe ya ji bo azadiya rêber Apo berdewam bikin.”
Endama Rêveberiya Kongreya Star Zehra Berkel ragihand ku ew ê di 2’yê Tebaxê de pêngava 3’emîn ya Azadiya Rêberê Gelê Kurd Abdullah Ocalan bidin despêkirin.
Rêxistina Kongireya Star amedekariyên destpêkirina pêngava 3’emîn ya Azadiya Rêberê Gelê Kurd Abdullah Ocalan û belav kirina Felsefeya wî dide destpêkirin. Endama Lijneya Rêveberiyê ya Kongreya Star Zehra Berkel diyar kir ku ew ê di 2’ê Tebaxê de bi awayekî fermî dest bi çalakiyên xwe bikin.
ARMANC BELAVKIRINA ÎDEOLOJIYA
AZADIYÊ YE
Zehra Berkel di despêka axaftina xwe de bal kişand ser armanca hemleyê û wiha got: “Piştî ku me konfransa xwe ya 3’emîn Li dar xist, yek ji biryarên me yên girîng ew bû ku em ji bo Azadkirina Rêber Apo hemleyan bidin des pêkirin. Bi vê yekê jî me weke rêxstina Kongireya Star amedekariyên lidarxistina pêngava 3’emîn ya bi daxwaziya azadkirina rêber Apo da destpêkirin. Armaca me ew e ku em bi hêza jinê îdeolojiya Rêber Apo belav bikin û jinan bi wê yekê jî bi rêxstin bikin.”
2’YÊ TEBAXÊ PÊNGAV DEST PÊ DIKE
Zehreyê di dewama axaftina xwe de çarçoveya çalakiyan diyar kir û wiha axivî: “Wê di 2’yê Tebaxê de pêngav me bi daxuyaniyeke fermî dest pê bike. Her wiha di heman rojê de wê meşeke girseyî li Kantona Kobanê were lidarxistin. Her wiha wê semîner jî werin dayîn û civîn jî di hemû taxan de werin li darxstin. Wê sinfezyonên li ser jiyana Rêber Apo werin pêşkêşkirin. Di heman demê de wê daxuyanî jî di vê çarçoveyê de jî aliyê hemû saziyan ve werin dayîn.”
ARMANCA ME AZADIYA RÊBERTIYÊ YE
Endama Lijneya Rêveberiyê ya Kongireya Star Zehera Berkel wiha dawî li axaftina xwe anî: “Ev pêngava sêyemîn e. Di pêngavên berê de jî çalakiyên cur bi cur hatin lidarxistin. Lê di hîn aliyên danasîna felsefeya Rêbe Apo de lewazî hatin jiyîn. Ji bo vê jî biryara me ew e ku em zêdetir Fikir û Felsefeya Rêber Apo di nava jinan de belav bikin. Ji bo vê jî hêviya me ew e ku em bi riya vê pêngavê pirojeya Rêber Apo ya azadiya jinê bidomînin da ku em rizgariya rêber Apo û azadiya tevahî jinan bi dest bixin.”…JINNEWS
