Ronaz Silêman/Qamişlo
Bi armnca têkbirina vîna gelên herêma bakur û rojhilatê Sûriyê, dagirkeriya Tirk êrişên xwe yên hovane dewam dike. Welatiyên bajarê Qamişlo êrişên dagirkeriya Tirk şermezar kirin û banga bilindkirina asta têkoşînê kirin.
Dewleta Tirk a dagirker roj bi roj bi rengekî dijwartir û birêbazên cur be cur êrîşî Herêma Bakur û Rojhilatê Sûriyê dike, di heman demê de êrişên xwe li ser qadên berxwedanê jî zêde kiriye. Êrîşên dewleta Tirk a dagirker tu sînoran nasnake, herwiha binesaziya herêmê jî dike hedef, armanca sereke ji êrîşên dewleta tirk a dagirker tunekirina aboriya herêmê û koçberkirina gelên wê ye, li hemberî wê jî berxwedana gelan û girêdana wan bi axê ve zêde dibe.
Girêdayî êrîşên li ser Herêma Bakur û Rojhilatê Sûriyê welatiyên bajarê Qamişlo ji rojnameya me re axivîn.
Welatiyê bi navê Siwar Xelef diyar kir ku dewleta Tirk a dagirker rojane êrîş û gefên xwe li ser herêmê zêde dike û wiha got: “Dewleta Tirk a dagirker bi rengekî hovan êrîşî herêma Bakur û Rojhilatê Sûriyê dike, bi taybet binesaziya herêmê dike hedef. Herwiha bi sedema van êrîşan enerjî tê qotkirin û rêjeya avê jî kêm dibe, di heman demê de jî gaz qut dibe, bi vê yekê rewşa gel zortir dibe. Armanca êrîşan jî têkbirina destkeftiyên gel e.”
‘Gel bi axa xwe ve girêdayî ye’
Siwar Xelef axaftina xwe wiha qedand: “Em êrîşên dewleta Tirk a dagirker li ser herêma bakur û Rojhilatê Sûriyê şermezar dikin, herwiha bangewaziya me ji rêxistinên navneteweyî ku li ser van kiryarên dewleta Tirk a dagirker dengê xwe bikin, da ku êrîş bên rawestandin. Ji xwe gelên me bi axa xwe ve girêdayî ye, em ê jî berevaniyê di ber xaka xwe de bikin û bi hemû derfetên xwe berxwedaniyê bidin meşandin.”
‘Em ê plan û êrişên dijmin têk binin’
Di heman çarcoveyê de welatiyê bi navê Tariq Ibrahîm diyar kir ku dewelat Tirk a dagirker dixwaze bi riya hedefgirtina binsaziya herêmê koçberiyê zêde bike û wiha got: “Dewleta Tirk a dagirker dixwaze bi riya hedefgirtina binesaziya herêmê, koçberiyê zêde bike da ku planên xwe yên dagirkirinê li ser herêmên me pêk bîn e, lê çiqas dewleta Tirk êrîş bike, em ê jî berxwedaniya xwe bilindtir bikin, herwiha em ê nehêlin armanca dijmin bi riya êrîşan pêk were.”