Konferansa damezrîner a 1′emîn a Meclisa Jin a Kongreya Îslama Demokratîk bi hilbijartina koordînasyonê û encamnameyan bi dawî bû; ji wan piştgiriya pêngava ji bo azadiya Rêber Abdullah Ocalan, sekna li dijî nijadperestiya olî, têkbirina xîtabata nefretê û zihniyeta baviksalariyê bi rêya belavkirina fikir û têgeha îslama demokratîk.
Di konferansa damezrîner a 1′emîn a Meclisa Jin a Kongreya Îslama Demokratîk de gelek mijarên giring hatin gotûbêjkirin, di serî de xwendina rêziknameyê û nîqaşkirina wê di konfiransê de hate kirin.
Herwiha di konfiransê de kordînasyona meclisê hate hilbijartin û 7 endamên jin ku nûnerên 7 kantonên li Herêma Bakur û Rojhilatê Sûriyeyê bikin hatin hilbijartin; Besîra Xelîl, Delal Xelîl, Emîra El Ezo, Avîn El Hecî, Rîm Idrîs, Nesrîn Îbrahîm û Xilod Ebdo û encamname jî hate xwendin.
Xebitîna li ser damezrandina akademiya taybet bi Meclisa Jin a Kongreya Îslama Demokratîk ku kadroyên jin di dewreyên fikrî, zanistî û olî de perwerde bikin, da ku rola jinê ya olî û civakî were xurtkirin.
Herwiha ji bona xurtkirina ragihandina meclisê bi rêya danîna planên ragihandinê yên demdirêj ku tê de bername li ser dozên jinan di ol û civakê de hebin hatin danîn.
Têkiliyên li ser asta herêmê û cîhanê bi rêya pevguherîna serdan û lidarxistina panêlan bi rêya dezgehên civakî werin firehkirin.
Xebat li ser amadekirina dewreyên perwerdê yên girtî û vekirî bê kirin.
Berdewamkirina lêkolînên taybet li ser axaftinên lawaz û çêkirî yên der barê jinan de û komkirina wan di pirtûkeke taybet de.
Birêxistinkirina xebata meclisa jin li herêmên nehatine birêxistinkirin û zêdekirina endaman li gorî pêwîstiyan.
Divê rola jinê di komîteya fetweyê û îctîhadê ya nava Kongreya Îslama Demokratîk de were xurtkirin.