Ronaz Silêman/Qamişlo
Encûmena Sûriya Demokratîk kongreya xwe ya çaremîn bi çend biryarên ku xizmeta geşedanên siyasî dikin bi dawî kir, Herwiha destnîşankirina “Leyla Qereman û Mehmûd El-Muselit” weke Hevserokatiyên hevbeş yên Encûmena Sûriya Demokratîk hatin diyar kirin.
Du di seat 10′ sibehê de MSD’ê kongreya xwe ya 4’emîn bi beşdariyeke berfireh di bin dirûşmeya “Hevgrtina gelên sûrî hîmê çareseriya siyasî û misogeriya pêkanîna sûriyeke demokratîk, pirrengî û ne navendî ye” li dar xistibû.
Di kongirê de ji bilî kesayetên serbixwe yên siyasî yên Sûriyê, tevî nûnerên hêz û partiyên siyasî ji Sûriyê û derveyê Sûriyê, nûnerên tevgerên jin û ciwanan û nûnerên eşîran, partî, platform û hêzên girêdayî QSDê beşdar bûn.
Gelek pêkhateyên siyasî yên Sûriyê jî tevlî Encûmena Sûriyeya Demokratîk bûne.
Di dema gotûbêjkirina awayê tevlîbûna Encûmena Sûriya Demokratîk de, rapora rêxistinê hate xwendin û aliyên sîstema navxweyî û belgeya bingehîn hatin gotûbêjkirin, ji bilî gotûbêjkirina nexşerêyê û danîna planeke nû ya xebatê.
Herwiha di kongreyê de erêkirina ji nû ve guhertina pêkhateya MSD’ê ji bo xizmetkirina geşedanên siyasî, nemaze bi erêkirina Rêveberiya Xweser a Bakur û Rojhilatê Sûriyê peymana civakî, ji bilî xebatên Meclisa Sûriyeya Demokratîk ji bo berfirehkirina peywendiyên xwe di warê siyasî de, li ser asta Sûriyê, herêmî û navneteweyî. Di dawiya Kongereyê de Leyla Qereman û Mehmûd El-Mûselit bi yekdengî weke hevserokên hevbeş yên Meclisa Sûriyeya Demokratîk hatin hilbijartin.
Lijneya Giştî, desteya serokatiyê û nûneran, serokatiya nû ya hevpar wezîfedar kirin.