Çavdêrê Siyasî Faleh Selah eşkere kir ku ji aliyê Tirkiyê ve dagirkirina xaka Başûrê Kurdistanê planekî navneteweyî ya li dijî daxwazên gelê Kurd e û diyar kir ku sedema bêdengiya Iraqê, ji ber ne serbixwebûna hikûmeta wê ye.
Hikûmeta Başûrê Kurdistanê û Iraqê li dijî dagirkeriya dewleta Tirk a ser xaka Başûrê Kurdistanê bêdengî hilbijartiye û ji ber bêdengiyê her ku diçe dagirkeriya dewleta Tirk berfireh dibe. Ev bêdengî heta niha gelek caran ji aliyên beşê cuda yên civakê ve hatiye rexne kirin. Çavdêrê Siyasî Faleh Selah li ser mijarê diyar kir ku ev dagirkerî ne tenê ji aliyê welatekê ve tê kirin û got ku li dijî gelê Kurd planekî navneteweyî ye.
Selah da zanîn ku berpirsyartiya parastina sînorên Herêma Kurdistanê Iraqê de û got; “Iraq welatekî federale û erka parastina sînorên Herêma Kurdistanê li ser stûyê hikûmeta Herêma Kurdistanê ye bi alîkariya hikûmeta navendî.”
Selah bal kişand ser bêdnegiya hikûmeta Iraqê ya li hemberî bombebaranan û wiha pêde çû; “Iraqê bernameyek zelal ji bo siyaseta navneteweyî û hundirîn nîne. Di nava xwe de parçe bûye. Hêzên siyasî li ser çend cemseran de hatine parve bûne. Armancên Tirkiye, Îran, Amerîka û Rûsya pêk tînin. Lewma di vê valahiya siyasî de nikare bibe xwedî nexşe û planekî nîştimanî ji bo parastina serweriya xaka xwe.”
Çavdêrê Siyasî Faleh Selah eşkere kir ku ji bo tejîkirina valahiya siyasî ya heye, divê demildest hikûmeta nû ya Iraqê bê avakirin û got; “Avanekirina hikûmetê dîsa peywendî bi destûr dana welatên herêmî û navneteweyî ve heye.”…ANHA
Dagirkeriya Tirkiyê planekî navnetewî ye
