Hevserokê Meclîsa Kantona Efrîn û Şehbayê Melek Hisên diyar kir ku Hikumeta Şamê bi ferzkirina Ambargoyê li ser herêma ku piraniya wan koçberên Efrînê ne. Rê li ber kerasetên însanî yê ku tavahî pîvanên mirovî derbas dike vedike.
Zana Roj/ Şehba
Herêma Şehba ya ku zêdtirî 5 sala ye koçberên efrînê lê jiyan dikin di hemû rewşên zûr û zehme re derbas dibe û bi vîneke mezin jiyaneke nû hatiye afirandin. Êrîşên dagirkeriya tirk li ser herêmê kêlîyeke jî nerawestiyane. Li kêleka van siyasetan hikumeta şamê ev zêdetirî 5 saleye dorpêçeke giran li ser herêmê dimeşîne da ku serweriya xwe li ser herêmê feriz bike.
Têkildarî vê mijarê hevserokê meclîsa kantona Efrîn Û Şehbayê ji rojnameya me re axivî.
`Hikumeta Şamê dixwaze gel û xaka Sûriyê talan bike`
Melek di destpêkê de bal kişand ser rewşa herêmê bi giştî û siyaseta Hikumeta Şamê û wiha axivî: “Herêma Şehbayê piraniya wê koçperên Efrînê tê de jiyan dikin. Her wiha 5 kampên fermî ji bo koçberan hatine avakirin, gelê ku di nava wan kampan de jiyan dikin di rewşeke zehmet re derbas dibin. Çi siyasetên ku li ser herêmê tên meşandin yek ser bandora xwe li wan tê kirin. Siyaseta hikumeta Şamê ya dorpêçê ji 5 salan ve li ser vî gelî tê ferz kirin. Ev ambargo ne li gor gelekî ku di xaka Sûriyê de jiyan dike ye. Hikumeta Şamê bi vê yekê dixwaze gel û xaka Sûriyê ji hev parçe bike û sererd û binerda wê talan bike”.
`Divê cîhan li hemberî kiryarên Hikumeta Şamê bê deng nemîne`
Melek bandora dorpîçê li ser herêmê û gel anî ziman û wiha got: “Me berê jî got û her tim em ê bibêjin. Hikumeta Şamê bi vê dorpêçê tavahî binasaziya herêmê armanc digre. Di asta yekemîn de ne derbas kirina sotemeniyê ji herêmê re dihêle ku jiyan bi temamî were rawestandin û rewşa ge bikeve xeteriyê. Yek jê nexweşxaneya yekemîn a Avrîne ku derveyî wê nîne ku gel berê xwe bidiyê, heme bêje ji ber dorpêçê û nederbasbûna dermanan bi awayekî qismî hatiye rawestandin. Her wiha Kehrebe zêdetirî 2 hefteyan hatiye qut kirin, ji ber tunebûna sotemeniyê. Tevgera çûn û hatinê hemû hatiye sekinandin. Her wiha xwendekarên dibistanan ku hejmara wan nêzî 16 hezar xwendekare, li ber sermayê dersên xwe dibînin. Ev hemû sûcin dermirovî ne di derheqê welatiyên Şehba û Efrînê de têne meşandin û divê tavahî cîhan sûcên hikumeta Şamê bibînin û teşîr bike”.
`Divê cîhan dengê vî gelî bibhîse`
Hevserokê Kantona Efrîn û Şehbayê Melek Hisên di dawiya axaftina xwe de banga rêxistin û cîhanê kir û wiha got: “Bi navê rêveberî û gel em banga tavahî cîhan û saziyên wê yên mafê mirovan dikin da ku dengê vî gelî bibhîsin û rê li ber Hikumeta Şamê bê girtin. Ger rewş wiha berdewam bike wê kerasetên însanî yên ku tavahî pîvanên mirovî bin pê dike rû bidin”. Ji ber ku rewşa heyî her ku diçe xirabtir dibe û peydakirina pêdiviyên jiyanê zor û zehmetir dibe û wê bandora vê yekê di serî de li ser zarok, jin û tevahî beşên jiynê bike.