Rêveberiya Kampa El Erîşê 3 bîr di nava kampê de kola û pirsgirêka avê ya koçberan çareser kir.
Bi zêdebûna germê re koçberên li kampa El Erîşê ji ber kêmbûna avê zehmetî dikişandin. Bi armanca çareserkirina vê pirsgirêkê rêveberiya kampê bi alîkariya saziyên ku di nava kampê de dixebitin 3 bîrên avê kolan.
Ji bo gihandina avê ji bîran heta kampê, koçberan alîkariya rêveberiya kampê kirin û ji bo av bigihîje hemû koçberan xetên avê kolandin.
Piştî bicihanîna daxwazên koçberan û vekirina xetên avê, koçberê bi navê Xelef El-Wekaa yê ku ji şêniyên Dêrazorê ye got: “Me ji ber kêmbûna avê zehmetî dikişand. Lê piştî kolandina bîran, wê ti kêmasiya avê nemîne.
Welatiyê bi navê Ehmed El-Elî jî wiha got piştî ev birên avê hatin kolandin wê êdî pirsgirêkên avê çareser bibe.
Welatiya bi navê Esmaa El-Zayid li ser kolandina xetên avê axivî û wiha got: “Me ev xetên avê bi armanca gihandina ava bîran ji kampê re kolandin. Ji ber kêmbûna avê gelek nexweşî di nav kampê de belav bûn û her wiha ava vexwarinê jî kêm bû.”…ANHA
Pirsgirêka avê ya koçberan çareser bû
