Birûc Resûl/Qamişlo
Bi diruşmeya “Ji Rêber Abdullah Ocalan re azadî, Ji Pirsgirêka Kurd re çareseriya siyasî” bi hezaran ciwanên Bakur û Rojhilatê Sûriyê, meşeke girseyê li dar xistin, her wiha meşa ku ji Qamişlo dest pê kir wê li Dêrikê bi dawî bibe.
Îro li Stada Şehîdên 12`yê Adarê ya bajarê Qamişlo, bi pêşengtiya
Tevgera Ciwanên Şoreşger a Sûriyê û Yekitiya Jinên Ciwan, her wiha bi beşdarbûna bi 100’an ji ciwanên ji bakur û rojhilatê Sûriyê kom bûn, meşek girseyî ji bo piştgiriya kampaniya “Ji Rêber Abdullah Ocalan re azadî, Ji Pirsgirêka Kurd re çareseriya siyasî” dest pê kir.
Meşa ciwanan ku ji Qamişlo dest pê kir wê 3’ê rojan dewam bike û li bajarê Dêrikê bi dawî bibe.
Rêveberiya Ciwanan a bakur û rojhilatê Suriyê Ronahî Hisên ji bo destpêkirina meşê daxuyaniyek xwend û wiha got: “Meşa me wê ji bajarê Qamişlo dest pê bike û li Dêrikê bi dawî bibe, her wiha bi beşdariya bi hezaran ciwan û jin ji hemû herêmên bakur û rojhilatê Sûriyê wê 3`ê rojan li pey hev berdewam bike. Armanca me ya ciwanan daxwaza azadiya Rêber Abdullah Ocalan e, ji ber ku bi azadiya wî em ê hemû azad bibin. Em kesên xwedî îrade û hêz in, divê em di meş û armanca xwe de bi ser bikevin, ji ber ku wê bibe bersiv ji dijminê me yê hov re.”
Hêjayî gotinê ye ku di 10`ê Cotmehê de li 74 navendên cîhanî ji bo azadiya Rêber Apo kampaniyek hat li darxistin. Di dema niha de hijmara navendên ku tevlî bûne 100 derbas kir. Di vê çarçoveyê de tevahiya rêxistin, tevger, sazî û partiyên bakur û rojhilatê Sûriyê ji bo piştgiriya kampaniyê çalakiyên cûda li dar dixin
