Ayşa Silêman/ Qamişlo
Bi boneya pîrozkirina 25’ê Mijdarê Roja Têkoşîna li dijî tundiya li ser jinê, Kongira Star ya bakur û rojhilatê Sûriyê, bi durûşmeya ‘Li dijî her cûreyên tundî û dagikeriyê jin jiyan azadî ’ meşek li bajarê Qamişlo li dar xist û bi hezaran şêniyên Kantona Qamişlo tevlî vê meşê bûn.
Îro di demjimêr 11’an de li bajarê Qamişlo bi boneya roja cîhanî ya li dijî tundiya li ser jinê meşeke girseyî ji aliyê
Kongira Star ya bakur û rojhilatê Sûriyê ve hat lidarxistin. Bi durûşmeya ‘Li dijî her cûreyên tundî û dagikeriyê jin jiyan azadî ’ meş ji çerxerêya Osman Sebrî bi pêşngtiya jinê destpê kir û bi hezaran şêneyên kantona Qamişlo tevlî bûn. Ev meş bi siloganên ’Jin jiyan azadî’, ‘bê serok jiyan nabe’ bi rêve çû û li çerxeriya şehîd Rûbar meş veguherî mîtîng û kesên beşdar xuleyeke bêdengî li ser giyanê şehîdan rawestiyan.
Piştira jî li ser navê hemahengiya Kongira Star ya bakur û rojhilatê Sûriyê Remziya Mihemed axivî û wiha got: “Bi hêza jinê ya ku rojane li qadan e em ê bighin azadî û serkeftina xwe, bi felsefeya jin jiyan azadî û bi ilhama Şoreşa Rojava û Rojhilatê Kurdistanê ku beriya 2 salan dest pê kir, em ê bi ser kevin. Şoreşa jin jiyan azadî ya ku niha li tevahî cîhanê belav bûye, dîsa bi destên jinan Şoreşa Rojhilat dest pê kiriye, tê xwestin û tê dîtin ku bi destê jinan wê şoreş bi ser bikeve. Netenê li Rojava, bakur û rojhilatê Sûriyê li tevahiya cîhanê pêwîste yekîtiya jinan were avakirin û tevahî civaka me xwedî li Şoreşa jin derkeve. Niha jî wekî îro li gelek qadan jin rastî tundiyê û desthilatdariyê tên, li gelek qadên cîhanê îro meş û çalakî ji bo bilindkirina tekoşînê li dardikevin û em ê bi xebata xwe ya li ser bingeha felsefeya Rêber Apo û jin jiyan azadî bighin azadiyê.”
Hêjayê gotinêye ku roja 25’ê Mijdarê roja cîhanî ya li dijî tundiya li ser jinê ye û ji bo vê boneyê çalakî li ser asta bakur û rojhilatê Sûriya yê hatin li darxistin, meşa ku îro li Qamişlo hat li darxistin jî yek ji van çalakiya ne.