Tenê YBŞ dikare gelê Êzidî biparêze

Şervanên YBŞ’ê diyar diyar kirin ku tenê YBŞ dikare birînên gelê Êzidî derman bike, gelê Êzidî ji fermanan biparêze û rê nede komkujiyên din.
Di 3’ê Tebaxa sala 2014’an de çeteyên DAIŞ’ê êrîşê ser Şengalê kirin û di encamê de bi hezaran welatî hatin kuştin û revandin. Bi boneya 4’emîn salveger fermana 74’an ya li ser gelê Êzîdî pêkhatî şervanên YBŞ’ê axivîn.
Şervanê YBŞ’ê Qîran Şengalî bal kişande ser pêwîstiya damezrandina YBŞ’ê û got; “Damezrandina YBŞ’ê bi armanca avakirina xeta parastin û xwedî derketina gelê Êzidî ye. Hemû civak jî dizane ji derveyî keç û xortên Şengalê tu kes nikare parastina xaka Êzidxanê bike. Armanca YBŞ’ê ewe ku parastina çand û hebûna gelê Êzidî bike.
Şervanê YBŞ’ê bi navê Rênas Bare diyar kir ku bi salan wan xwe bi hêzên cuda ve dida girêdan heya fermana 74’an çêbû û got: “Pêwîste hêzek were avakirin ku gelê me hewceyî ti kesê neke. Me hêza xwe ya parastina Şengalê daye avakirn ji bo ku em gelê xwe ji komkujiyan biparêzin.”