HDP’ê ji ber şewata li daristanên Yunanîstanê nameyek ji partiya Syrîza ya li desthilatdariyê re şand û peyama piştevaniyê da.
Partiya Demokratîk a Gelan (HDP) ji ber şewata li daristanên Yunanîstanê ku 83 kesan jiyana xwe ji dest dan û 180 kes jî birîndar bûn nameyek piştevaniyê ji Yunenîstanê re şand.
Name bi mohra Parlamenterê Îzmîrê û Alîkarê Hevserokên Giştî yê ji Ekolojiyê Berpirsyar Mûrat Çepnî hat şandin. Di nameyê de hat gotin, “Li erdnîgariya ku hûn lê dijîn, daristanên li herêma Rafîna û Kînetayê tevî hemû zindiyên di nav de, li gel xizmên me, malên we, dehl û rezên we dişewitin û dilê me jî bi wan re dişewite. Em bi vê êşê zanin û baş nas dikin.”
Çepnî diyar kir ku ew sînorê navbera xwe nas nakin û got, “Em bi we re ne. Em amade ne birînên we bipêçin, qadên xwezayî biparêzin û çi ji destê me bê em amade ne bikin.”
HDP’ê nameya piştgiriyê ji Yunanîstanê re şand
