Endamên Komîteya Jineolojiyê yên Hesekê diyar kirin ku Jineolojî tê wateya bîrdozî, felsefe û rastiya jiyanê û gotin: “Jineolojî rêbaza parastina xwezayê û mafê jinê ye.”
Endamên Komîteya Jineolojiyê yên Hesekê derbarê xebat û armanca Jineolojiyê de da zanîn ku wê Jineolojî bibe bersiva koletî û desthilatdariya li ser jinê û gotin: “Bi saya Jineolojiyê dê jin ji zilma hişmendiya baviksalarî rizgar bibin.”
Endama Komîteya Jineolojiyê Dîlan Hiso diyar kir ku ji bo pêşxistina xebatên Jineolojiyê li her bajarekî wê Komîteya Jineolojiyê were avakirin û wiha got: “Ji bo di warê Jineolojiyê de pêşketinên ber bi çav pêk were rêxistinbûyin girîng e. Ji bo hemû jin bi rêxistin bibin wê li her bajarî Komîteya Jineolojiyê ava bibe. Dema ku jin xwe bi rêxistn bikin ew ê zincîrê koletiyê bişkînin û li ser piyên xwe bimînin.”
Endama Komîteya Jineolojiyê Bêrîvan Husên da zanîn ku wateya Jineolojiyê rastiya jiyanê derdixe holê û wiha got: “Jineolojî têgehek resen e. Dema wateya Jineolojiyê bê famkirin wê pirsgirêkên civakê jî bên çareserkirin. Wê di çarçoveya parastina xwezayê de pêşketinên ber biçav pêk were. Lewra Jineolojî rêbaza parastina xwezayê û mafê jinê ye. Bi saya Jineolojiyê wê jin ji zilma hişmendiya baviksalarî rizgar bibin. Rêberê Gelê Kurd Abdullah Ocalan di parêznameya Sosyolojiya Azadiyê de Jineolojî pêşniyar kiriye. Loma divê civak û bi taybet jin vê wateyê baş fam bikin.”…Ronîda Hacî /Hesekê
Jin wê bi jineolojiyê rizgar bibin
