Rojnamevan Silêman Ehmed ku ji aliyê PDK’ê ve hatiye revandin, 25 roj in agahî jê nayê girtin. Ajansa Rojnews ku Ehmed endamê wan e, PDK’ê ji ewlehî û jiyana wî berpirs nîşan dide.
Edîtorê beşa Erebî ya Ajansa Rojnewsê Silêman Ehmed roja 1’ê Cotmehê ji bo serdanê çûbû cem malbata xwe ya li Taxa Şêx Meqsud a Helebê. Silêman roja 25’ê Cotmehê dema xwest di ser deriyê Pêş Xabûr (Sêmalka) re derbasî Başûr bibe, ji aliyê hêzên PDK’ê ve hat revandin û ev 26 roj in agahî jê nayê girtin.
Hefteyek piştî windabûna Silêman Ehmed, asayîşa PDK’ê ya Dihokê bi daxuyaniyek berovajîkirin û nerast gotin ku qaşo revandina rojnamevan Silêman Ehmed ‘ne ji ber karên wî yên rojnamevaniyê’ û bi eşkere gefa cezakirinê li rojnamevan Silêman kirin û îtiraf kirin ku wî revandine. Silêman Ehmed nêzî 5 salin di beşa Erebî ya Rojnews’ê de dixebite.
Li gel ku bertek û helwestên dijî revandina Silêman Ehmed zêde dibin, her ku diçe guman û fikarên li ser jiyana Silêman Ehmed jî zêde dibin.
Ajansa Rojnews ku Ehmed endamê wan e, PDK’ê ji ewlehî û jiyana wî berpirs nîşan dide.