Di çarçoveya pêngava ‘Na ji kuştina jinê re’ ya ku ji aliyê Maclisa Jinên PYD’ê ve li ser asta Bakur û Rojhilatê Sûriyê hatibû destpêkirin, Jinên Meclisa Giştî ya PYD li herêma Şehbayêye, bi tevlîbûna jinan û mêran ji sazî, partî û tevgerên herêmê komxebatek li dar xist.
Zana Roj/ Şehba
Îro li herêma Şehbayê, ji aliyê Meclisa jin ya Partiya Yekîtiya Demokratîk(PYD) û bi tevlîbûna jinan û mêran ji sazî, partî û tevgerên herêmê, di bin dirûşmeya ‘Na ji kuştina jin re’ komxebatek hat destpêkirin.
Komxebat bi deqeyek rêzgirtin hat destpêkirin, her wiha dîwana komxebartê ku ji 3’ê kesan pêk tê hat derxistin. Piştî wê axaftina vekirina komxebatê ji aliyê Emîne Mele Hesen ve hat xwendin.
Navaroka komxebatê wê li ser nîqaşkirina pirsgirêkên jin di navbera her du zayendan de bê kirin. Bi taybet diyardeya kuştina jinê ya ku di bin zihniyet û sedemên cur be cur de di civakê de tê kirin. Di komxebatê de 10 komên ku ji jinan û mêran pêk tên, wê bên avakirin. Herwiha li ser du merheleyan ew kom wê persîva pirsan bidin.
Di dawiya komxebatê de wê li ser navê her komekê berpirsek bê derketin û nîqaş bên meşandin.
Pirsên qonaxa yekemîn ev in:
Çawa bijîn?-
Wateya azadiyê çi ye? –
Malbat çi ye û li ser çi esasî malbat tê avakirin?-
Rola jin û mêr di jiyanê de çi ye?-
Çima jin tê îşkencekirin û kuştin? –
pirsên qonaxa duyemîn wiha ne:
Gelo jin ket bin bandora sîstemên ku Ii ser wê hatine pêkanîn? –
-Gelo mêr dikare azad bijî di civakekê de ku jin tê de rastî hemû cûreyên tundî û qirkirinê tê?
Li hemberî kuştina jinan divê em çi bikin?-
-Çima Rêber Apo zanista Jîneolojî pêşkêş kir û rola vê zanistê di çareserkirina pirsgirêkên civakê de çi ye?
Çawa malbeteke demokratîk ava bibe? –