Di çarçoveya xebatên xizmetguzariyê de Şaredariya Gel bi hevkariya komîna gundê Xirnata av gihand 7 gundên girêdayî navçeya Fafîn a herêma Şehbayê.
Şêniyên Efrînê ku li gundê Xirnata û gundên derdora wê (Hisacik, Hasîn, Werdiyê, Hilîsê, Wehşiyê, Qiramil) bi cih bûne, ji ber tunebûna avê astengî dikişandin.
Bi armanca peydakirina avê ji gundê Xirnata re, Şaredariya Gel a navçeya Fafîn û bi koordîneya komîna gund, bîreke avê ji nû ve xebitand û niha ava bîrê bi rêya sarîncan li şêniyan belav dikin.
Rêveberiya Komîna gundê Xirnata Mihemed Şêxo diyar kir ku ji ber pirsgirêka avê gelek astengî dikişandin û av bi nirxeke pir buha dikirîn û wiha dewam kir, “Em wek komîna gund bi Komîteya Xedemî a Şaredariya Gel re koordîne em ê vê pirsgirêkê çareser bikin” .
Mihemed Şêxo diyar kir ku hinek malbat ji ber rewşa wan a aborî ya nebaş, avê bê pere ji wan re pêşkêş dikin. Mihemed Şêxo di dawiya axaftina xwe de diyar kir ku ji bo çareserkirina hemû pirsgirêkan dixebitin.
Av ji 7 gundên Şehbayê re hat dayîn
